لا ضــاق بـالـي فالقصـايـد تسـلـيـت

لا ضــاق بـالـي فالقصـايـد تسـلـيـت
وترجـمـت فـكـره مـا طـرا فالسـانـي

اغيب فالهاجوس لااقبلـت واقفيـت
اغيـب فـي فكـري وانـا فـي مكانـي

مـوجـود بعـيـون الـمـلا مـاتـوريـت
لـوكـان دالــوب المـعـانـي خـذانــي

لادق هـوجـاس القصـايـد وغـنـيـت
للفـكـر والمعـنـى مـعــي ترجـمـانـي

لا جيـت فـي سـوق الجزايـل تنقيـت
اخـذت مايـطـرب صمـيـم الاذانــي

انـقــا فـرايـدهـا عـلــى ماتـمـنـيـت
واليا عصتـنـي زدت والعـمـر فـانــي

خليـت مايـفـرح وجـيـه السرابـيـت
واخـذت مايفـرح اطــوال اليمـانـي

فالشعر لي مبدا وموطن ولي صيـت
واشــوم للعلـيـا واكـــب الطـمـانـي

درست من سـود السنيـن وتقهويـت
وكتمـت همـي حـدر عـوج المحانـي

عانيت من ضيم السنين السواحيـت
وجاملـت وقـتـن باعـنـي ماشـرانـي

يامـا عـلـى روس النـوايـف تعلـيـت
وياما وقعت وقمت مثـل الحصانـي

ولاضاق صدري يم الاصقه تعديت
اخــذت منـهـا عبـرتـي وامتـحـانـي

قعدت ارددها ليا اصبحت وامسيـت
بينـي وبيـن النـفـس دون العـوانـي

الذكـر يبقـى حـي لـو صاحبـه ميـت
يطـلـع كـمـا الاول مـهـو مغلطـانـي

جاملت بعض النـاس واليـوم مليـت
مـانـي مجـامـل واحــدن مادعـانـي

اللي يرحـب قـدم وجهـي ليـا جيـت
وانغبت من هرجـه لقيـت الحسانـي

يـشـذب عراقـيـبـي ردي التثـابـيـت
والـجـدي ثـابـت ياسهـيـل اليمـانـي

حفـضـت مايمـلـي عـلـي وتـعـديـت
غيري ولـو شانـه اصـدوف الزمانـي

ارفـع يـدي لخالـقـي حـامـي البـيـت
واصــد عــن مـنـه فـــلان الـفـلانـي

حنيف بن سعيدان