هذي وصيّة أب تُكتب وتنقال

هذي وصيّة أب تُكتب وتنقال
من واحد خاض الحياة (العنيده)

احفظ وصاة أبوك يا معرّب الخال
أوصيك بالتقوى وحفظ العقيده

في طاعة الله لا يجي عندك إهمال
اطلب رضا اللي كلبونا .. عبيده

وطاعة ولي الأمر ما تقبل جدال
جت في كتاب الله وسنة أكيده

من خان إمامه يعتبر مفسد وضال
ويصير للعدوان وأبليس صيده

و احذر تصير السامج الهرج نقّال
هذي صفات أهل العقول البليده

ما كل ما تسمع من الناس ينقال
إن ما قصرت الشر بالك تزيده

ولا كل من يركب على الخيل خيّال
ولا كل صيده للنّشامى طريده

ترى الرجولة ما هي شماغ وعقال
ولا هي بشيلة تنكتب أو قصيده

حيث المراجل فعل ما هي بالأقوال
الهرج كل الناس تقدر .. ( تجيده )

الرجل منطوق ومواقيف وخصال
والشاهد الله والخلايق شهيده

خلك طليق حجاج والبيت مدهال
خلك كريم شوفة الضيف عيده

وحذراك من صحبة رديين وأنذال
تحسب عليهم والفتى من قعيده


المستشار .. سعود القحطاني