بين شاعرين

- البدع من الشاعر عبدالرحمن الصيفي

لو زماني جار واصحابي جلو
رحمة الله مــا يقفــل بــابها

لي رفيقن غـالي عندي ولو
اطلبه صعب المطالب جابها

ما سلا عني لــو العالم سلو
فدوته بيض اللحا واشنابها

والصداقة بير والوصل الدلو
والوفــا مــاهــا وهو طلابها

والنشاما في الشواهيق اعتلو
والرخوم امنوخين اركــــابها

وانت لو تحتاجني عطني الو
فدوتك عيني وسود اهدابها



- الرد من الشاعر/ عبدالله البركاتي

يالـوفي هــلــل مـــع من هـللو
لا هلل المسلم سعد برحابها

يا مرحبا دامك على الهاتف الو
تحيــة منـــي تفوح أطيابها

لو زمــانك جــار مثلي يـــاصلو
حنا المواصل نكتسي بثيابها

أصحابنا هـامه أبــد مــا ينزلـو
طيب الوفـا منا روى شرابها

لو تبــاعدنا بجـي لك يـالحــلو
لو يطول الدرب نطوي ترابها

تسلم لنا عينك وعين اللي غلو
مثلي ومثلك ما خطو في حسابها