سرى ليلي سرى ليلي وانا اخايل نجوم الليل

سرى ليلي سرى ليلي وانا اخايل نجوم الليل
عجب لله يا حلو الكرى وش طيرك عني

غديت عيني لشراد النجوم الساريه دربيل
اطالع في مباديهن واراقبهن يغيبني

وانا من فضل ربي ما لحقني من زماني ميل
فلا شك الهواجيس القديمة ما يخلني

ليا مني ذكرت اللي مضى لي يا قوي الحيل
وطرى وقت مضى وربوعي اللي غابيوا عني

الا يا ما ذكرنا من رفيق مثل نجم سهيل
سكن حدر الثرى يا الله على فقده تعاوني

رفيق ما تعوض بربعته ربعة خبيث الجيل
رفيق ربعته تقضي اللزوم ولا بها مني

ليا مني نشدت وقلت وينه قالوا العقيل
بقى ذكره وفعله حي والارواح راحني

صفقت بكفي اليمنى على اليسرى وزاد الويل
هقيت ان الليالي اللي يخوننه يخونني

صحيح انه البشر ماهوب عن جور الزمان دخيل
ولا عقب البقا كود الفنا واخذ الخبر مني


مرشد البذالي