يا شذا عطر القصيد أقبل ورش بيوته

يا شذا عطر القصيد أقبل ورش بيوته
شفني أرسم قاعدة شعر النمط وأبنيها

راكب اللي لمعة السبع على كبوته
ويش أوصفها يا ربي ويش أبا أحليها

كنها شاطئ بحر يوم يتطارد حوته
وكما خبرٍ على الطينة صفا صافيها

جيب لكزس برمجة سلفه على ريموته
يستمد ألوان فضية ويستمديها

كن واجهته من أصناف الذهب منحوتة
ولمعة جنوطة وبودية تمرّا فيها

إن نطحته تكل هدافٍ هدفه يشوته
وان قفيته شبه ذيبٍ غارته ناويها

وإن تعرض كنه اللي سبقه مفلوته
اشقرٍ يهوي على الصيدة ولا يخطيها

وداخليّ الكشن صالة محتكر تايوته
‏صالةٍ عبداللطيف بما أحتوت بانيها

ساع حطوا مويته وامرايته وزيوته
حي والله الجيوب وحي من يشريها

‏ان مشى صحراء من السرعة طغى طاغوته
وان مشى بالمدن حساده طغى طاغيها

لو تحط اذنك لشكمانه ماتسمع صوته
يمكن انك تستشك ودقته تثنيها

سايقة ما فت فوق المرتبة بسكوته
ولا عرف طعم الكابتشينو ولا يشريها

استدار من الرياض بطرقةٍ منعوته
المخارج للقصيم ليا مشى يسريها

ومع آذان الفجر قدام الصلاة تفوته
واصلٍ دخنة الصلاة الصبح ويصليها

وعقب ما صلّى الصلاة الساعة الموقوتة
تنحره كساب قولة نعم هو راعيها

؟؟؟