05-07-2008, 12:12 PM
|
#1
|
|
هذا عقالي
|
|
|
|
الصقر حر وفزة الصيد تغريـه = وانتي كما ريم القنص في اثرها
هذا عقالي ارفعه فوق وارميه = عندك على حد الوصوف ودررهــا
لاتفتنيني واغلقي الباب صكيه = خلي رياح الصيف تخفي قدرها
لاتشرقي ياشمس والليل تضويه = خلي الظلام يضم روحي وخطرها
للجار حق وطعنة الظهر تحنيــه = وانا طعون الغدر سيفي نكرها
ارد نفسي عن دروب المشاريه = وارفض اكون النار والاشررها
من يلمس الجمره تضره اياديه = ومن يحظن الانثى يذوب بعطرها
ياطاهره يالبسه الشال لفيـــه = غطي بياض العين واخفي حورها
لاتنحني للعاطفه ياهوى التيـه = بعض الورود اشواك خافي اثرها
وصلي صعب لاتحرقي القلب خليه = بيني وبينك نار واخشى شررها
قلبي وهبته للذي كان يغليــه = بنت غزت دنياي وارخت نظرها
قاسمتها في دنيتي قلب اخفيه = حتى ملت في القلب نصفٍ ذكرها
وانتي امامك درب بالورد رشيه = لاترخصين النفس للي عمرها
ياحلا زجاجه احذري الصخر خافيه = خافي من الطيحات خافي كسرها
واتحجبي ياوردة الطهر واخفيه = وجهٍ يهز رجال يجني ثمرها
ناظم الهمسات
ابراهيم الشمراني |
|
|
|
|
|
|
|