المقناص

يا الله في نون نصـــوبه تقافـــا لازل مخيال تقفاه مخيال
[motr]يقبل من المنشاء فتوقه ترافا يبقى شهر ما بين وبلن وهـمـــال[/motr]
رب الهموم اللي بقلـبي تشافـــا وأرتاح ليسجيت في واديٍ ســال
[motr]ونبت الخزاما فيه قام يتزافـــا وأذكر زماناً كان لي فيه مدهــال[/motr]
برفقة نشاما بالخواطر تصــافا والكـل منهم خوته تشــرح البال
[motr]لي جا لزوم في المخوة تكــافا ولي تعب رجال وقف عنه رجال[/motr]
وخويهم ما يلحــــقونه خـــلافا يرتاح قلبه بين مزحـــات وأمثال
[motr]ورز الهدف تو العلم للمشافـــا وجابه عريب الجد والعم والخـال[/motr]
وقنوصهم جو من جهتهم إنكافا حافو وشافو وأقنصو دق وجــلال
[motr]وطروشهم من كــل فج تلافـــا وعدو على طول العشـــي كل ما طال[/motr]
وشافو رعية بوثمان رهــــــافا قبل يجي فيها هنود وبنقــــــــــال
[motr]وأمسو برحلتهم قلوبن نظــــافا في مجلس لذته تمرة وفنجـــــــال[/motr]
والنار شعمت وراعي الكيف طافا وإلا انتهـــى دول من الثانيـة دال
[motr]وبر الحجازي فوق لحم الهرافا وجباتهم في كل ممسى ومقيــــال[/motr]
وجنوبهم عن المـــراقد تجـــافا يبغون فزعة واحدٍ يعلم الحـــــــــــال
[motr]أعرف ترى دنياك فيها إختلافا تلطــم كما الأمواج من جال لي جال[/motr]
كم من نجوم من سماها تهــــافا وأحذر من الهفوات يا طيب الفال
[motr]وكم علةٍ كانت بقلبٍ تعـــــــــافا أشفاه محي العود من بعد لمحــال[/motr]
وكم طيب صارت حيــاته عيافا جا له من الدنيا مخلات وأشـــكال
[motr]باحذر الطيـــب من الانحــــرافا ترى رفيق السوء سمٍ وســـــــلال[/motr]
وصلاة ربي عد نون كـــــــــافا على نبي الله تعظيم وإجـــــــــلال

كل بيت يستحق الاشاده والوقوف عنده

بيض الله وجهك ياشاعرنا /سعد الحنتمي