فوق هام السحب ( الشعر الشعبي) على متن القوافي

‏والله أنّ أموت ما جاك من عندي بوار
‏خل في قلبك ثقة والثقة كنز الضمير

‏خذ كلام اللي يشوفك بعين الاعتبار
‏واحدٍ مـا لك بقلبه ولا عقله خشير

‏والمحبة مدرسة شي ثبوت وشي فرار
‏وأنت درسي مع هل الحب الأول والأخير

.....

ماكل زولاََ يشبه الروح وأغليه
بعض البشر تبداه بكلمة كفايه

نسقي ورود الحب والشوق نعطيه
للغالي اللي مانبي له نهايه

يسكن حنايا الروح ولو غاب نبكيه
لانه عديل الروح وللنفس غايه

.....

ياطير شيل الود وإحساسي الذوق
‏وصّل عديل الروح حرفي وقله

‏يسعد مساءه كثر مابي من الشوق
‏ياللي غلاك أكبر من الكون كله

.....

توددت لك وأنت المدى واخر الأحباب
‏ياوجهٍ إلى من طلّ يستدرِك جروحي

‏أحبك من الماضي واحاوِلك بدون إسهاب
‏إذا صبك الماء شفت في ضحكتك دوحي

‏وتمرّ الليالي والمشاريه والأصحاب
‏وعسى طلَّتك ماتسرق النوّر من روحي

‏أنا اعرفك لو أفتح لجيتك مية باب
‏تبي تأخذ أحبابك وتتركني بروحي

.....

‏بلاش من الزعل ومن الجفا ومن الشعور الشاك
‏مادام أن المشاعر واضحه فعيون راعيها

‏تقول أنك معي وأقول ياجعل الغياب فداك
‏أجل غيبتك عني هالليالي وش تسميها

.....

‏جمع ربي سكينة خافقي في وجهك المزيون
‏ ياوجهٍ كل ما أشوفه يمدّ الله في عمري

.....

عن البال ماراحت طواريك لجل تعود
‏مثل كل ليلة طيش مرَّت على تايب

‏طبيعي بأن الناس تستشعر الموجود
‏وأنا أستشعرك موجود وأستشعرك غايب

.....

رجيتك وصال وشاب راسي وأنا راجيك
‏تراك السبب في حزن كبدي وغربالي
‏ㅤ
‏علام الظنون الطيبه يوم خابت فيك
‏تحد المدامع لأشهب اللال والصالي
‏ㅤ
‏ترا قلبي العابر قبل خيبته شاريك
‏طواه الحزن واقفى مع هجعة السالي

.....

توقّد في ترايبك الذهب واشعل لهيب الشوق
‏يضاهيك الذهب لكن وصوفك من يضاهيها

‏حبيبي كانت أحبك كلام وتسليّة مخنوق
‏أحبك ذيك ماهي مثل هذي هذي أعنيها

‏تدلّل للدلال اللي مثل هذا علّي حقوق
‏من اللي تزعل عيونك عليه وما يراضيها

.....

‏مراتعها السحاب وما يشابه رقّته واللون
‏لها في الأرض جرّه غير جرة آدم وحوّا

‏وكاد إن الحظيظ اللي تحبه ماهو بمغبون
‏أبعرف يوم حبّت آدمي وشلون وش سوّا

.....