فوق هام السحب ( الشعر الشعبي) على متن القوافي

‏أسهــر على صوره وذكــرى قديمة
واكتب قصيـدي وانتظـر نـور بكـرى

أصعب مواقف هالحيَــاه الأليمة
لا غاب عنك إنسَـان وأعطاك ذكـرى

.....

تفاهمنا على حسم الأمور و كلّنا راضين
‏و توادعنا ما كنّ قلوبنا خضر و هواويّة

.....

مالي ورى الناس لا مطلب ولا حاجة
‏مَـا دام رايي وجيه ومنهجي طيّـب

.....

‏درسن تعلمته ولاني بناسيه
درسن من الأيام كله فوايد

عنوانه الرفقه و منهو تخاويه
ونهجه مناهيج العرب و العوايد

من لايرافق صاحبن يحتمي فيه
ويبين في وقت القسى والشدايد

يقعد لحاله وأفضل اللي مسويه
مارافق ضعيفن يحب المحايد


فتى الجوف

‏الوقت ما يضمن على الزين والشين
والناس فوق الارض جايع وشابع

اهل الكلام حدود سـبعة مـلايـين
واهل الـفعـول نـعـدّهـم بالاصابع

سلمان بن دبسان

‏تسامحوا ياناس عن كل مافات
يالله عسى المعبود يقبل عملكم

العفوا خير وفيه للرب مرضاة
مافيه داعي لايطول زعلكم

تجاهلوا عن كل غلطه وزلات
وخلوا طريق المصطفى هو مثلكم

انتم بشهر المغفره والمسرات
واطلب عسى المولى يحقق أملكم

سعود عايد الحربي

ياللي بديت تحب شفني تخرجت
واخذت الاول مع شهادة ندامه

تدري وش عيوب المحبه ليا احتجت
يا تبيع حبك يا تبيع الكرامه

.....

جعل عيني ما تشوف إلا عيونك
وجعل حالي ما يضمه غير حالك

انت قل لي ويش هالـــدنيا بدونك
والله ان مــــــــابه حياه إلا وصالك

.....

لبيه لبيه من روحي الي روحي
لبيه يا اغلى من الدنيا ومافيها

لبيه احبك كثر ما تعشقك روحي
لبى حياتك من اولها وتأليها

.....

‏ياشوق لا تقسى على عيونه السود
انا دخيلك لا تعذب جفونه

ما زال في عمر الصبا ناعم العود
حرام غير الكحل يلمس عيونـه

.....