فوق هام السحب ( الشعر الشعبي) على متن القوافي

ليه يانور عيني غبت وأخلفت ظـنّي
علموك وتعلمت الجــــفا والقطاعة

تحسب أنّي نسيتك عقب ماغبت عني
لا وربّ السما ماعنك سجيت ساعة

......

مصير الايام تكشف لك خفايا الصدور
‏كانك تشوف الوجية وتجهل قلوبها‏ٓ‏

قلبك دليلك ليا اشتبهت عليك الامور
‏لاتقرب اللي يجيك الشك من صوبها

......

أحبك ولو يمطر سحاب الدروب أحباب
‏رضيت بضماك وخل الأنسام تسري به

‏وأحبك ولو عادت جميع الوجيه أغراب
‏خذيتك أمان يشرّد الخوف من طيبه

......

‏فرقى الولايف عالمحبين تعذيب
‏والله يعين الي مفارق. وليفه

‏تصلاه ناراً بين عسم المحاديب
‏والروح من فرقى غلااها كليفه

......

بعض الجرووح ان صابت القلب تنهيه
وبعض الجرووح تزود القلب قوه

الله كتب والسهم في كف راميه
واللي تشوفه يا ابيض الوجه سوه

......

يا سارق القلب وش علاجك وطبك!
ما قدر على وصلك ولاقدر على غيابك

الله رماني عليك وطحت في حبك!
وأصبحت شاعر؟ يقول الشعر بأسبابك

......

ياطير بلغ صاحبي كان تلقاه
ياطير عن فرقاي ياما نهيته

ياطير عقبه مقعد الطيب عفناه
والهم بين ضلوع صدري طويته

ياطير ذا منزله وذاك ماطاه
وهذا مراحه وذاك يوم التقيته

......

أنت الصديق الي له القلب يرتاح
أنت العشير الي يساوي عشيرة

أنت الرفيق اللي من العين ماطاح
أنت الشقيق اللي مسيري مسيره

......

روسٍ نقـــدرها معـــزه ونوماس
وروسٍ نساويـها بـــروس البهايم

وروسٍ تزينها الفعايل مع الناس
وروسٍ تزينها العقــــل والعمايم

......

مصــدر حياتـــي عزتــــي واعذريني
مقدر اوطــي بالهــوى وحنـي الراس

صحيح حبــك نقطـة الضعف فيني
ما انكـرت لكن عزتــي مالها اقياس

محــال يامــن تسكني وســط عيني
اخضع لحبـك او لواحد من الناس

خلـي عهـــود الحــب بينـك وبيني
مافايده كسر المشاعـر والاحساس

......