فوق هام السحب ( الشعر الشعبي) على متن القوافي

لا تلومني لا جيت كلي من أقصاي
مافيـه غيرك لا تضايقت جيتـه

جيتك ولا غيرك ذكرته بمسـراي
جيتك وكل إنسان غيرك نسيتـه

جيتك وأنا ماني بـ أنا تايه الـراي
جيتك وأنا مدري وش اللي بغيته

......

أستقبلك كن مالي قبل عرفك طراه
وأستدبر الأرض عنوه والبساط احمدي

سمي دروبي بـ أساميها مضيق ونفاه
وأخذي من الشعر إذعان الرضا واخلدي

محتاج وجهٍ يرجعني أحب الحياة
وأنتِ جميع الحلول الممكنة في يدي

......

يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا

بقلمي

شكراً على الخذلان والا مُبالاه
قوّيت قلبي بـ الجروح . وتقـوّى

سويت لك كل شي كنت اتمنّاه
وسويت فيني شي ما ينتسوّى

......

‏من يــدوّر للمشــاكل والكلام الفــاضي
‏بشّره يلقــاء بها قسمــه ويشبــع منها

‏عزتي لـه كانه بوضعــه ونفســه راضي
‏ويحسب العالم بترفعــها اليا طمّــنها

‏لايقول أن غلطتي بكره بتصبح ماضي
‏لا أحصلت ما عاد ينفع لو تراجع عنها

‏عبدالله بن حمد⁩

لا صار صاحبك بين الرَيب والشِكّة
‏لا تعطي الأجودي قدرٍ ماهو قدره
‏
‏لو هو ضحك والسنون البيض مصطكّه
‏ماتامنه و الزمن ماينومن غدره
‏
‏وإن جيت فالموقف اللّي ما مِنْه فكّة
‏الله لا يحداك فوق الفزعة الودره
‏
‏أحدٍ ليا قلت تكفى يضرب السكّة
‏و أحدٍ ليا قلت له تكفى ضرب صدره
‏
‏‌عيضه الثبيتي⁩

الطلقة اللي بالظهر من ولد عّم
‏أنشهد إنها يافهد روعتني

‏حاولت أغطي جرحها واستر الدم
‏وأقول ثارت بالخطأ ماوجعتني

‏‌ زياد بن نحيت⁩

‏على الهون يا وقتٍ خذا كل راحة بال
‏عزاز النفوس لذلّها منت حاديها

‏ليا هانت العشره وجات القصار طوال
‏تموت الرجال بعزّها ..وبمباديها

‏ترى اللي تسوق إله الغرابيل فالفنجال
‏كبار الخطوب وهو صبي متقهويها

‏من إشتدّ عوده في معافر ردى الأحوال
‏بعد ما بلغ شدّه ماهو مبتلش فيها

‏فهد سفر

تغاضى وخلك سمح وابعد عن الواشين
‏ترا اهل الوشا دايم على النار وقاده

‏تعايش مع الافكار مابين زين وشين
‏وحذرا تحلل كل منطوق يزياده

‏ولاجل ماتعيش العمر كله مابين وبين
‏تجاهل ترا بعض الجهل نوعه عباده

‏يقولون لاتسمع سواليف ابووجهين
‏وانا اقول سور الصين من يقدر ابعاده

‏‌ نواف العضياني⁩

لاتقول ابشر لانخوك الرجاجيل
‏الا انت قدّن له وكفو وصتيمه

‏النعم كايد مايجي بالتعاليــل
‏قول وفعل ماهو سوالف هليمه

‏اليا بغيت النعم خاو المشاكيل
‏وافزع لمن ضاقت عليه الخريمه

‏وخلك على ماقيل طيب وحلحيل
‏عزيز قوم وفيك نخوة وشيمه

‏‌ محمد بن طواله⁩