فوق هام السحب ( الشعر الشعبي) على متن القوافي

لاعاد تنشد عـن علاقات الاصحاب
‏ماتوا ولا باقي سوى أهل المصالح

‏اذا بغـوا حاجاتهم صاروا أحباب
‏وإذا قضت حاجاتهم ما انت صالح

....

‏تبختري بين التواضع والغرور
وأخذي من أبيات الغزل ماتشتهين

ومري على قصايديومثل البخور
لين اتنفس شعر مهوب اكسجين

الحب إذا ماكان لك ماهو شعور
والشعر إذا ماكان لك ماهوب زين

وكل الكلام اللي على بالي يدور
يضيع في ضحكة وفي غمازتين

....

‏اللي ماهو قاسمه ربي لا يمكن يصير
‏الله كفيل العباد وكافل ارزاقها

‏نفسك لا تُسجن وتصبح لـ الاماني أسير
‏واذا اغربت دنيتك ابحث عن اشراقها

‏مدام نبض الكرامه في ضلوعك حصير
‏اصبر وتاقف لك الدنيا على ساقها

....

يرحـم الله والدينك أنـت وينك
استلذوا فـي طعونـي كـل أبوهم

كانوا يغارون من عشقي لعينك
وضايقوني عقب عينك لعنبوهم

....

‏هنوفٍ عيوفٍ من تولع بها مسموح
كساها الحلا من الراس لاحد مقدمها

غنوجٍ عنوجٍ بهرجها للعرب سحوح
فتونٍ يضيع كلمته من يكلمها

بها من مهاة الريم غره وفيها لموح
تذوب القلوب بنارها ماتقاومها

....

لالقيت المعترض في الحلوق وفي الدروب
ان تعديته قدا وإن توطيته قدا

مايفكك من عفون البشر حسن السلوب
الردى حزات ماله علاج الا الردى

....

راسي وراه من المشاريه قافي
‏وقلبي تصبّح بالهموم وتبيّت

‏لا عاد تنشد وين مرواس قافي
‏انا دفنت السر في قبر ميّت

‏والنيّه اللي تتضح لك عوافي
‏بس البلا فـ النيه اللي تبيّت

‏نفسي تمشّيني على الشوك حافي
‏كم مرةٍ حاولت فيها وعيّت

‏فـ لا قدرت ارمي الحسايف خلافي
‏ولا اغتنمت الفرصه اللي تهيّت

....

يا ابن آدم من بغى شيٍ وصل له
‏بالعمل والجهد ماهو بالتمني

‏تحسب ان دنياي دايم مسفهله
‏وتحسب اني مستريح وتحسب اني

‏والفضل للي مظللنا بظله
‏يقدر الواحد من الضيقه يغني

‏فكّر بـ مستقبلك دقه وجله
‏وانتبه له واصرف التفكير عني

‏ما انت حاسدني على ما اعطاني الله
‏لو عرفت اللي خذاه الله مني

بقلمي

صامت على الدنيا مثل صمت القبور
‏ و واقف لها مثل وقوف المأذنه

‏احب كل الصادقين بلا شعور
‏الا الشعور اللي احبه ادفنه

‏انا معي قلب قديم و مايبور
‏والناس مدري وش بلاها تحزنه

‏نصيبه من الحب نصيب الطيور
‏اللي تهاجر من سنه الى سنه

....

ترى الأماني في نفوس الشقيين
‏مثل الأوادم يوم تولد وتقبر

‏الموت ماهو رجعة الطين للطين
‏الموت لا من قيل للصابر أصبر

‏وليا إنحنت لله روس المصلين
‏ ماعاد للأصوات غير الله أكبر

‏لا أقبل زمانك صارو الناس زينين
‏ لكن تعال ودوّر الناس لا أدبر

ذائقة