فوق هام السحب ( الشعر الشعبي) على متن القوافي

‏أحيان أحسّك طيف من روح غالي
واحيان أحسّك روح والطيف فيني

مره اقول الدرب موحش وخالي
ومره احس ايديك تمسك ايديني

....

لاتنتظر رد الجمايل والارباح
ولا تلتفت في طيبك اللي صنعته

الطيب بوجيه الكريمين مَ راح
ولا الـردي مَ ينفعك لو نفعته

....

يارب كل انسان طامع بلطفك
وكل من له حلم نفسه تساويه

يامن اماني كل واحد بكفك
يارب حقق مـن دعا لك امانيه

....

يا الله يامن رحمتك مثل وصفك
يامستجيب لكل داعي دعاويه

حقق لنا كل الاماني بعطفك
وجودك اللي مالجودك يجاريه

....

النوايا البيض راعيها موفق
ماتوفق لين صفا نيته

اشهد ان الود من صدري تدفق
ضاع قلبي والسبب حنيته

....

‏كم واحدٍ طحنا على شانه وراح
‏ياكثرهم يوم اختفى النور اختفو

‏محمد السكران

‏من تجاهل وجودي ماحسب له وجود
‏علم اهل القلوب اللي غطاها الصدا

‏والكبر نقص بالناس ماهو بزود
‏والردي طول عمره من ردا في ردا

....

‏ياروح روح الغلا ياعمره الهاني
يانعمة الحب واحساسه ومنطوقه

انت بعيوني حياه بطعمها الثاني
وانت بحياتي عيون الحب وعروقه

....

ياخاطري لاباح صبرك وملِيت
مالك عن المقسوم صده وحِيله

إن زان حظك جاب لك ماتمنيت
وإن شان خلا الهينه مستحيلة

....

‏ان غبت عنكم بالجميل اذكروني
ولا تبخلوا نحوي بخالص دعاكم

وعن كل ماجاكم خطأ سامحوني
قلبي على طيب النوايا معاكم

بقلمي