فوق هام السحب ( الشعر الشعبي) على متن القوافي

‏اكتفيت بوجودك ليــن عشتك حياه
شـوفتك نور بدر وبسمتك ممتعه

كل ما جيت ابحكي عن غلاك ومداه
ضاع تعبير شوقي ما قدرت اجمعه

...

الشعر هذا ترى فيك مخصوص
ماكنت بكتب بك ولاني بناويك

مير الغلا جاب القلم قال مرخوص
يومٍ سرى هاجوس فكري بطاريك

...

يازين لو حبــك يوزع علــى الناس
ماكان فــي الدنيا حروب ونزاعــات

مسكنك في قلبي وقدرك على الراس
والشــوق مـاله ياحبيبــي نهـايات

قوم اسقني من عذب حـبك ولو كاس
وافرش لك الدنيا زهــــور وفراشات

واسقيك من نهر الغــلا دون مقياس
واشغل بك العالم قصايد جزيـــلات

...

‏بنت العرب بنت النسب دائماً غير
في حسنها في دينها في حياها

لها وصايف كنها الخيل والطير
ماكل واحد لابغاها لقاها

...

‏تدري من اكثرشخص بالناس محبوب
شخصن إذا شاف الأوادم تبسّم


ماهوعلى الضحكه مع الناس مغصُوب
طبع التواضع في حياته ترسم

...

‏أكتب معاناتك عبر نزف الأقلام
‏وسلم أمر دنياك للي خلقها
‏
‏أرسل قصيدة عشق ماهي للاعلام
‏الحبر أحاسيسك وقلبك ورقهـا

...

‏لولا الظنون الطيبه مات الإحساس
‏ولولا التسامح بالحياه إنقرضنا
‏
‏ولولا الأمل تهنا على سكة الياس
‏ولولا مخاسير الزمن ما أتعضنا

بقلمي

مـن عــرفتك صارت الدنيا جميلة
وشفت فـي حــبك تفاصيل الامان

في حنانك عشت ليلة ب الف ليلة
ودي اعــرف انتي وينك مـن زمان

...

لك طلةٍ مثل القــمر بين إلافـلاك
ولك نظرةٍ يعجبني فيها كسوفك

مــن يوم تقبل يفز قلبي وحياك
وإذا رحلت ابقـى أسير لطيوفك

...

‏ابشرك قلبـي علـى ما انت خابر
‏يحبك ويعشق لقاك وطواريك
‏
‏قلبي كبير ولكـن احــيان يكابر
‏يقول ما احــبك وهو ميتٍ فيك

...