فوق هام السحب ( الشعر الشعبي) على متن القوافي

‏ماحد يشق القلب من غير تفكير
‏حتى الأطباء ترتجف ثم تحتار

والحب شَق الجوف من دون تخدير
وبَناء قصور بداخل القلب وانهار

هذي حقيقة قلتها صدق تعبير
وأرسلتها في جهر فعلي والاسرار

....

‏القلوب اسرار والدنيا عبر
‏والعمر لو طال تاليه الرحيل

‏والخواطر كسرها ماله جبر
‏لو يعيد الوقت ماضيه الجميل

....

الطيب والاخلاق سيماء تُعرف
في وجه صاحبها على طول مهما

بعض الاوادم قلبه انقى وانظف
من منظر السكر ومن صافي الماء

....

لو يـطول الـبعد والحيله قليله
ولو يمر الوقت من دون إتصالك

إلتقي بك في خيالي وأشتكي له
وأستمد الروح من صورة خيالك

...

‏مدري علام الناس تقسى على الناس
هذا جهل وإلا غرور وتعالي

حنا بشر والأصل من طينة الساس
لو قيل ساس الراس من راس عالي

....

‏راح يمضي هالحزن مثل ماتمضي السنين
‏والفرح له وقت ويمر ينهي المسألة

‏شفني اتظاهر بضحكة وانا قلبي حزين
‏مقتنع بان انكساري مجرّد مرحلة

....

‏علم اللي ما استفاق وعلم اللي
‏متعبٍ نفسه على قلة سناعه

‏إن بغاها باللي أحسن جيت كلي
‏وإن بغاها باللكاعه باللكاعه

....

‏إستعذت من الدروب اللي نهايتها حسافه
‏قبل ترميني ملذات الزمن في جوف غِبّه

‏ما يخاف المؤمن اللي فيه من ربه مخافه
‏مصدر الخوف الحقيقي واحدٍ ما خاف ربه

....

‏يسعد مساء اللي نحبه ونغليه
‏اللي غلبه الشوق بأول صباحه

‏احلا مساء الخير لعيون طاريه
‏واحلا مساء النور فيه انشراحه

....

‏ترى الغلا ماهو مجرد سواليف
‏شعور ينتاب الخفوق ويتله

‏يصير مابين القلوب المواليف
‏داخل صميم القلب يعرف محله

....