ديوان قصائد لشعراء المملكة العربية السعودية (متجدد)☘️☘️

يا مجتمع مسلم ويا كل العرب
يا مجتمع مسلم ويا كل العرب
كل الشهور يشيلها شوّالها

كفا مهانه للعرب تلعب طرب
والمسلمة فالشام قتلو اعوالها

جدي وجدك لليهودي قد حرب
واليوم حنّا للحروب اقوى لها

في سوريا صارت على السنّه كُرب
أدلب وحمص اليوم تقسى أحوالها

بشار مثل الفار حرّاسه غُرب
والصين جنب الروس في موالها

وعنان كاذب مثل كلب ن به جرب
يضحك علينا ضحكة ن سوّالها

واليوم ما للوضع غير اللي ضرب
على معاقلهم وقصف أطوالها

سعد عبد الرحمن

أثني الترحيب لمحمد وحن مغلينه
الطيب ينتج طيب والمحبه فوق القصيد والغلا واصل
وأبن العم شيهان شمران بدع الشهد ..
وجعلني رديت معروفه لو بقليل منه
..............
أثني الترحيب للشيهان يا مغلينه
................ من رجال يكسبون المدح وأهل الطاله
قلتها في موقف ن معلوم يا شارينه
............... مشترى الأرباح كسّابه يحق أنقى له
زادك الله يا محمد من تقاه ودينه
................ خل عنك اللي يكيل ومستوى مكياله
كلنا نعتد وليوم العدد ضارينه
................ والقدم متعوده في دربها بتاله
ومن رضي بالهينه والغبن له تغبينه
................ جعل حظه ما يقوم أكثر ولا باساله
احمد الله العظيم الكون من تكوينه
................ لو يلوح البرق فوق البحر ولاّ جاله
والذي تاه بمداه آقول بالتهجينه
................ يالله أنك تصلحه وإنك تهادي باله
يا محمد علمنا للنايفه تسنينه
............... ومن شرى التمثال قلت الله على تمثاله
وسلامتكم
والعذر لو حصل قصور

سعد عبد الرحمن

كل شمراني ولو طالت عليه سنينه .. ما يضّيع شميته لو للزمان أهواله
مع التحية والمحبة والتقدير لكل من يقرأ هذه الأبيات


ياسلام الله سلام ن صادق ن تلقينه
.................... ينتهز فرصة وجود بدايره وأطواله


ياسلام الله لربعي وأرسله في حينه
.................... للرجال الي تحب الفائدة والقاله

كل شمراني ولو جارت عليه سنينه
.................... ما يضّيع شميته لو للزمان أهواله

والرفيق يشوقني صوته معا تعيينه
.................... والقصيدة عند شاعرها تعنون فاله


أفتخر في ربعي الي فعلهم مبدينه
................... ما جهل عن فعلنا اللي فاطن ن والداله


يا ضميري لا تحاول تحرق البوبينه
.................... ولا تكون التاجر الي ضاع مربح ماله


بيت شعر أعنيه حيث الصوت في تلحينه
.................... زاد عن حده وطال وقلت كيف أرجا له


كل باب ن ينفتح بلخير زد تمكينه
.................... وكل باب ينفتح بالشرّ قوّ أقفاله


سعد عبدالرحمن آل مجبّر الشمراني

كليب مات ومانسته الجليله

لحضة غروب بمفردي والشفق بان
حاكتني الذكرى بصوت ألف ليله
وانسابت الدمعه وثار ألف بركان
في قلبي اللي جرحه أكبر حصيله
لأن روحي مانست حلــــو الألوان
أبيار أبو زيد .. المكان .. ومقيله
واللـــــيل مع خيمه وغيمه وهتان
والفجر مع صوووت الحمام وهديله
ذكرى ولا هانت ولا صاحبي هان
اللي جروووحي داميه من رحيله
صاحب ولكن ماهو أنسي ولا جان
من نوووع ربي موجده للفضيله
وأفضل عباده عندنا بعد الأركان
فيها تذوووب أسماءنا والقبيله
يارب تصلح لي بقا العلم والشان
حتى يلاقي كل خل(ن) خليله
جاهدت لأجل ألقي مع البعد نسيان
وأزريت أقرب حاجة(ن) مستحيله
وأوفيت له وأشتقت له شوق ولهان
والعولمه .. تنفي العلوم الأصيله
إذا فأنا يا مدّعي فهم الأوزان
للشعر باشعل بالمعاني فتيله
وأنهج على الكفار وحقوق الأنسان
ميكالهم مغشوش بالسمّ كيله
الأحترام الحرّ لحقوق الأديان
مسروق تمره قبل تنتج نخيله
واللي يبي برهان بعطيه برهان
وأحلف بمن حرّم علينا الرذيله
المسجد الأقصى عليه ألف سجّان
يهوووود لعن الله ذيك الفصيله
وأحناالعرب باقي ندوّرخبر كان
ونعوووود بعد الجهد لأم الجديله
بغداد خذها بوش كلب المريكان
وبلير لندن كان للكلب ذيله
لأن فكر الغرب عباد الأوثان
يحقق أهدافه بخدعه وحيله
والحرب ماتقصر على مقتل إنسان
أفكارنا ينوووون تصبح قتيله
أولادنا تطبيعهم صار الأدمان
ياكثر من يقدح بفمه الفتيله
عنوان ضايع في متاهات وازمان
تشابهت عندي فراته ونيله
(حلال كان)أكبر حرام أصبح الأن
من يوم مفهوووم النقا مات غيله
في غونتنامو للضمير إسم ينهان
من عمّ سااااااااام الله يعمي دليله
والحاضر أضحى مثل هتلر والالمان
غااااايه تبرر للجنون الوسيله
ومادام هذا الحال باقي إلى الآن
باقصد معا العالم واجر الطويله

ياناس تدرون إش حصل في زمن كان
كليب مانسيت غلااااااااااااااااااه الجليله

سعد عبدالرحمن آل مجبر الشمراني

إقتلتني ....... العقاقير

وش غيّر الأيام في وقت تالي
ياقسوة المعنى وصعب التعابير

أتعبت تفكيري ومطلق خيالي
والحين تطلبني قبول المخاسير

وش لون أسمّي مرّ ماقلت حالي
إذاً.. يادكتور .. إقتلتني العقاقير

مات الوفا ويعيش فيني سؤالي
ليه المحبه .. تقترن بالتساعير

كنّا نقول الصبر صدر الشمالي
بس الحلوم .. عقالها بالتفاسير

النار في جوفي شبوب(ن) وصالي
وأكثر مشاعرنا كلوم ومخاطير

حالة سنه وشهور .. والمد عالي
والحين تجزرني جزور المغاتير

والله ما .. لك حق تقتل نوالي
وانا مسطّر فرحتي بالأساطير

لاكن :

مبروك لي صدقي وقوة هبالي
وأنت إحترامي لك بملء الأسارير
7
7
7
ثم إحترامي لك .. لأنك خيالي
مع قسوة المعنى وصعب التعابير



سعد عبدالرحمن آل مجبّر الشمراني

تصل للشاعر ناصر بن خشيّر
بسم الله الرحمن الرحيم
محبة وتقديرا ً لأبن عمنا والصديق الغالي على قلبي
الشاعر الكبير المعروف
ناصر بن خشيّر الشمراني
أرسل له هذه القصيدة وعبر هذه المنتديات الرائدة والرائعة
وأرجوا أن تصل إليه وهوا في كامل الصحة والعافية
وبكل الود ..

يا ناصر يا صقر ٍ فالنوايف تعلـّيت
زبون الطناخه يا جدير الصـداقه

نعم .. بن خشيّر عزوتي وان تعزويت
مقدّم يابو هذال بين الرفـــــاقه

يا شاعر سنافي يضرب البيت بالبيت
ويفتل وينقض في مجال الطلاقه

لك أسلوب راقي نوره أقوى من الليت
عليه أجمع الجمهور كل أتفاقه

سلامي عليك أرسله وآقول حييت
سلام التآخي يوصلك في وثاقه

لك القدر والتقدير غايب ولن جيت
يابن عمّنا وأسم الفزع له شفاقه

هل الفخر مسكنهم تباله هل الصيت
معادي الفزع يا خيبته بأنفتاقه

هل القلت وأهل الطيب فيهم تغنّيت
وشمران يجمعنا في أسم العراقه


وسلامتكم


أخوكم
سعد عبدالرحمن بن مجبّر الشمراني

بيض الله وجه الكفو أبو ناصر
بسم الله الرحمن الرحيم

الصديق عملة نادرة في هذا الزمن الذي أنشغل الجميع فيه بمشاكل الحياة اليومية..
وعلى الرغم من أفتخاري بكل أبناء قبيلتي قبيلة شمران الطعان ومحبتي للكل والجميع ..
وإنما لصديقي الغالي عبدالرحمن بن عيد بن حزمي الشمراني
مواقف كثيرة أستحق مني أن أشكره عليها من خلال هذه القصيدة
التي أتمنى أن يقبلها أبوناصر وأن يتقبلها الجميع تواصلا معكم ومحبة لكم ..

بيض الله وجه الكفو أبو ناصر
صاحبي لأفتخر كل ن في أصحابه

عبدالرحمن فعله رابح ن ظافر
له سجايا تباري العطر وأطيابه

أسم بن عيد دائم بيرق ن شاهر
أمدحه حيث حق المدح وألقابه

يكسر الخصم وأصحابه لهم جابر
يفتل الشور مثل مفاتل أشنابه

وقفته من زمن ماضي وفي حاضر
يكسب الطيب والنوماس كسّابه

عشت يالجوهر الناريز بالزابر
درع جنبي وتاج الراس وعصابه

ياللزيز الشجاع الكامل النادر
ياعقاب ن تعلاّ فوق مرقابه

يا شبا الصيرمي يالباتك الباتر
ديسق ن هندواني خصمه يهابه

لا عدمتك خوي يالكنز يالفاخر
ياصدوق الوعد والصدق من بابه

أنت عزّ الخوي يالمعلم الضاهر
قالها شاعر ن ما غش بكتابه


وسلامتكم

سعد عبد الرحمن

اللي ضرب والذي مضروب


مريت والناس في ضجّه
اللي ضرب والذي مضروب

والعجّه أش كبرها العجّه
والسالفه بين صدر وثوب

قلت أش سبب كل هالرجّه
قالوا رقص هندي المسحوب

والمعتمر ما أكمل الحجّه
رجع وهوا محتمل بذنوب

على نيودلهي أتوجّه
عقب ان وصل في يده مكتوب

قلت الله الله على الدجّه
وش له قطع حجه المغضوب

والناس ذي ليه محتجّه
قالوا على ثوبه المقلوب

قلت آه يا ما حلا السجه
وحدي على ضفة الدانوب

سعد

يسألني أبن العم

مسجون في صبري وخوفي منك ياطول المدى
العام صار بيوم والخمسين 50 عام بسعر عام
ويسألني أبن العم ويناااادي ويا حيّ الندى
ويقول وين الشعر وآقول القوافي في نظام
لكن يابو نايف لو أن الصوت ما فيه الصدى
شككت في لحن القصائد والجنوب آقول شام
يدي تصفّق وحدها والفكر بالماضي غدى
ياحظ من نامت عيونه ما أختلط فيها الزحام
يضحك وهوا سالي ودربه كل مضمونه شدى
ويطير مثل اللي تعلاّ فوق تلوين الغمام

وسلامتكم
سعد عبد الرحمن

قصيدة من الشاعر سعد بن عبدالرحمن بن مجبر الشمراني موجهة للعميد علي بن مصلح الشمراني
السلام عليكم ورحمة الله وبركاته
وصلتني هذه القصيدة من الشاعر سعد بن عبدالرحمن بن مجبر الشمراني
وهي قصيدة مدح للعميد علي بن مصلح بن عمّار الشمراني


عايض حامد الشمراني