الف معنى ومعنى

المشاركة الأصلية كتبت بواسطة الحمدان

بين جفنك وعينك الف معنى ومعنى
وش بقاء للقصايد يوم ترخي جفونك

انت ياللي بزينك جيتنا تنتزعنا
وسع الصدر وارحمني على هون هونك

انت والله لو اني نبي نسري رجعنا
لا انتهاء زين غيرك كنهم يبتدونك

حي ذلك الحلا فيك عنهن قطعنا
مبطي ما ورد الزين من يشبهونك

كم بغيناك في وصف وانا اقول ضعنا
عجز ابيات شعر معذبك يا صفونك

كم شرينا بسوق الوصف غيرك وبعنا
وانت مهما وصفنا كله يطيح دونك

يا مضيق صدور البيض في مجتمعنا
والله اني بشعري ما قوينا عيونك

تذكر النظره اللي من ورائها اندفعنا
يوم تقبل سكوتك مختلط مع جنونك

ما تكلمت لكن سمعنا واطعنا
كن الناس مثلي كلهم يفهمونك

جيتنا في غرور ورحت تعلن ولعنا
لو انك تبيع كلامك والله اني زبونك

يوم قفيت والله ثقلنا ما نفعنا
اخذت ناس وناس ودهم يتبعونك

دام قلبك كبير وراهي يتسعنا
ظفنا معك او ظفنا في ردونك

اثر للزين هيبه تونا ما اقتنعنا
اقراء لا جيت تطلع وانتبه يحسدونك

لو معانا سكاكين لك الله قطعنا
بس ربك حميد وقطعتنا عيونك


الشاعر .. حمد السعيد

كلام زين ويعجز اللسان عن الرد عليه
صح لسان الشاعر وكل الشكر لك يالغالي
بارك الله فيك وبعملك
ودمتم بخير وسعادة

المشاركة الأصلية كتبت بواسطة ريحانة الطيب

كلام زين ويعجز اللسان عن الرد عليه
صح لسان الشاعر وكل الشكر لك يالغالي
بارك الله فيك وبعملك
ودمتم بخير وسعادة

ألاخت الغالية ريحانة الطيب
شكراً لك لمرورك الجميل
وتعقيبك الرائع المميز
لك أجمل تحية وتقدير