اربع ورود (قصيدة)🌹🌷

اربع ورود

الشوق عمره طويل ولا على الصبر زود

وان طال عمر الجفا جف القلم والكلام

والقلب طفل يتذرى في ظلال السجود

يخاف لاتذبحه رمضا العتب والملام

لو لـ المقادير مع وجه الـ بن ادم وعود

ان كان مرت مصايبنا مرور الكرام

الله يخلي لقلبي ضحكة "اربع ورود"

ويقرّ عيني بشوف النور عقب الظلام

ياليت شعري الا ليت الليالي تعود

يوم التجافي دقيقة كنّه فراق عام

اسألك باللي جعل كلك رهاوة عدود

لاتبطي عروق قلبي من قراحك حيام

اخطيت والبعد يوجعني وجيت مهدود

اشيل عذري لعل العذر قدّ المقام

لو الخطأ بين خلق الله جزاه الصدود

ماعاش في هالزمان الا عيال الحرام

عشنا الغلا في شبابه لانخليه عود

العود مايطلب الله غير حسن الختام

عريبة الحسن مايذبح عريب الجدود

الا انه يسولف بعينه وينسى الكلام
راشد النفيعي