اخترنا لكم

‏شف مكانك في مكانن عن العالم دفين
‏في مكانن من وراء مثل عيدان الجريد

‏مكرمن حبك وله ف الحشا سمن وسمين
‏يقدع من الحال واصبله بن الوريد

‏افتضحت من الهواجيس بك فالمسلمين
‏كل من سولف علي قلت له وش قلت عيد

.....

‏يصبرني على ثقل الليال إن الأمل ما زال
‏ينسيني شقى النفس ويضوي لي متاهاتي

‏أغيب بلا سبب وبلا سبب يربكني الترحال
‏واعود للمكان إللي يضم أربع تجاهاتي

‏مع إني هادي وجه وحكي لو ضاقت الاحوال
‏يجي هذا الحزن صخب ويلازم فكرة أبياتي

.....

أزعل عليك من الشهر يوم يومين
‏وأشتاق لك تسعه وعشرين ليله

‏وأخلق لك الغايات وحده وثنتين
‏لو ما تبرر كل غايه وسيله

‏إن دارت الدنيا على طبعك الزين
‏ما همَّشت بالذكريات الجميله

‏ما عندي الا قلب ما هو بقلبين
‏لا غاب غالي ما إنتظرت لبديله

......

‏البخل بصمة عار في وجه راعيه
‏والجود يبفىٰ صاحبه رافع الراس

‏مات البخيل وضاع مالٍ تعب فيه
‏ومات الكريم وعاش ذكره مع الناس

.....

‏ان جيتني لبيه وان غبت لبيه
‏لبيه ياللي ساكنن جوف عيني

‏لبيه ياللي نبض قلبي يحاكيه
‏حبه سكن ما بين نفسي وبيني

.....

‏الزهد في الاحلام مخزي وممقوت
‏اللي ماعنده حلم ماعنده احساس

‏من خاف راي الناس بيعيش ويموت
‏لا مرضيٍ نفسه ولا مرضي الناس

.....

مثل مايمر الطيف في سجة الساهين
‏تمر اجمل أحداث العمر دايماً عجلة

.....

‏العام ما للشـيب فيـنا مراسيم
‏واليـوم اخـذنا دورنا يـا مناحي

‏الوضح قامن يطردن المجاهيم
‏لين المغاتير اكـثرن في مـراحي

.....

فاقدٍ لي تحفةٍ نسيانها ذنب وظليمة
‏الوطن هذا وطنها والبلد هذا بلدها

‏هي عظيمة بس والله مادريت إنها عظيمة
‏لين قالوا مايعرف الحاجه إلا من فقدها

.....

‏ترديت فيني جعلني ماتردّا فيك
‏الإنسان مهما يجتهد نفسه اماره

‏فلا تحسب اني ودي تطيح واخليك
‏ولا تحسب الأيام ماهي بدواره

.....