اخترنا لكم

إمتلكتي غايته لو كان ماله فيك غايه
وإنتصرتي في عيونه وإعترف لك بالهزيمه

أنتي فارعه بقد وجد وأسماء وكنايه
من عشق مثلك يجوز من الهوى وشداد ريمه

.....

عن البال ما راحت طواريك لجل تعود
مثل كل ليلة طيش مرَّت على تايب

طبيعي بأن الناس تستشعر الموجود
وأنا أستشعرك موجود وأستشعرك غايب

.....

مياسة العود عودك آخر آمالي
اللي لو اني على المحراب يحرفني

وشلون ابوصف حلاك الزايد لحالي
لا طاب جرح القصيد وقلتي اوصفني

اذا تضايقتي يضيق الخلا الخالي
واذا رضيتي رضت ريحي على سفني

واذا عرفني غلاك وقلبك السالي
ما عاد ابي الليل والبيداء تعرفني

....

لي مهرةٍ مركاضها بالصدر والقلب العفيف
في حبها ما أتوب واليا تبت رحت أعودها

ما تشبه إلا خيل جداني بمعركة الشريف
أصايـلٍ ترهِب صناديد العدا بطرودهـا

.....

روحها من خِفّها لاهبّت النسمة تطير
وفكرها علّق على متن الشموخ خصالها

واضحة تسكب رذاذ العطر بأنفاس العبير
غامضة من ثقلها يحتار فيها ظلالها

يغرق أجزل بحر شعر فـبحر عفّتها الغزير
كل ماينبض خجلها يرتعش سلسالها

بنت شعر وأم طهر وأخت للبدر المنير
فاتنة تجلس على عرش الكمال لحالها

.....

الجادل اللي عليها الحال مبريه
فالغيد والله مانلقى شبيهتها

من الدلع والتغنج والرومانسيه
معاد يفرق دلعها عن فهاوتها

.....

‏لا بد ماتصفي المقابيل وتزين
ونروح ونسج القدم في فلكها

.....

قالو من انت وقلت انا انسان عادي
مجهول عند اهل الرتب والسلاطين

عايش عن ثقال النفوس انحيادي
عندي غناة النفس تسوى ملايين

.....

تعال قبل الورد يذبل والسهر عينه تنام
قبل تجف المرحبا وتموت بلساني هلا

ترى عزيز النفس لامن عاف عاف بلا كلام
والله لو أنه وطن ماعاد له حب وولا

ماينتهي كثر الغلا إلا بقلّ الإهتمام
وإن جيتني بعدين مالك لا حضوَر ولا غلا

.....

تصد القلوب من الغلا والنفوس تملّ
يهون الجفا لا شافت العين ما تكره

.....