اخترنا لكم

انا في رجاء عطفك ورحمتك يامعبود
تخفف على النفس العزيزه مواجعها

انا كل مايطري علي والعباد ارقود
سرت ضيقتي والعين هلت مدامعها

على اللي وجووده بيننا صايرٍ مفقود
غيابه مسك فرحة حياتي وضيعها

الا ليت كل اللي خذاه الفراق يعوود
وترجع لنا ناسٍ خذة فكرنا معها

.....

لاتحرق أعصابك على شي ماضي
مافات فات ومستحيلٍ رجوعه

خلك على ماجاك صابر وراضي
ولحدن خبر دنياه تمشي بطوعه

ولا لك على حكم الإله أعتراضي
والصبر مبدى كل نفسٍ قنوعه

واشتك على خلاّق سبع الاراضي
اللي جلى عن كل مهموم رَوْعَهْ

.....

طواري العصير وذعذعة بارد النسناس
تهيض هجوسي والمواجع تقلبها

ادوّج لحالي واتضايق من ادنى الناس
ولا اداني العربان كّني محاربها

.....

مجلسْك حنّه من ثلاثة رجاجيل
إلي مامنه خير لاتستضيفه

الأول اللي قلبه أسود من الليل
طبيعته عكس القلوب النظيفه

والثاني اللي ينقل القال والقيل
يعطيك هرج ومنك ياخذ رديفه

وأحرص من الثالث لا يلقا مداخيل
اللي ماله ذمه ونفسه ضعيفه

.....

زهمني غالي وارخصت وجهي له وانا محتاج
قضينا لازمه بالوجه من عطران الاشنابي

ولايدري عن الموقف ولا يدري عن الاحراج
وصد الصده اللي مالها داعي ولا اسبابي


.....

أصل البكا يا صاحبي من كذا نوع
مره وله مره حزن مره إخلاص

احدن ليا منه بكا طاحت دموع
وأحدن ليا منه بكا طاحوا اشخاص

.....

أصل البكا يا صاحبي من كذا نوع
مره وله مره حزن مره إخلاص

احدن ليا منه بكا طاحت دموع
وأحدن ليا منه بكا طاحوا اشخاص

.....

‏وإِن كنتُ مُشتاقًا إِليكَ فإِنَّهُ
ليشتاقُ صَبٌّ إلفه وهو ظالِمُه

أودُّكَ وُدًّا لا الزَّمانُ يبيدُهُ
ولا النَّأي يفنيه ولا الهجر ثالمُه

أبو فراس الحمداني

وَإذَا القُلُوبُ توكّلت ما ضرّها
عسرُ الحياةِ وربّها يَكفيهَا

.....

وَلَم أَرَ كَالأَحداثِ سَهماً إِذا جَرَت
وَلا كَاللَيالي رامِياً يُبعِدُ المَرمى

أحمد شوقي