اخترنا لكم

‏ترا الصـداقه والمحبـه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل الوفا من يديها

.....

طبعك هو اللّي على الفرقى مقدّرني
‏واحس نفسك على التجريح مجبولة

‏تعرف تقول الكلام اللّي يكدّرني
‏بسّ الكلام الحلو ما تعرف تقوله

.....

‏ما طمعنا غير في طاعة الله والصلاه
‏وخوّة اللي خوّته مايجي فيها ردى

‏الكفو نقدّر جنابه ولا ينقص غلاه
‏والجمايل بين الاجواد ماتذهب سدى

.....

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

‏لو ان عند الناس بعض القناعه
‏ويمان بالمكتوب ماصارو ثنين

‏احدٍ من همومه يبي اليوم ساعه
‏واحدٍ من الفرحه يبي اليوم يومين

.....

يا اللي أخذت القلب ما قلت لك خذ
منك مساء الخير هي زبدة الخير

فيك يتباهى الشعر والشاعر الفذ
يا اللي حضورك غير وإطلالتك غير

.....

شفي مع لابتي شيبان ومعوّل
ربع نهار الوغى للروس قصاصه

حنا هل الطايله ذلحين ومنوّل
من طاح في نحورنا يا صعب مخلاصه

صغيرنا يحتمي الميقاف لاحوّل
لو الفخر وسط جوف البحر لاغاصه

.....

‏دربي طويل وخاطري واصل اقصاه
‏واخاف لا اهوّن واكف اجتهادي

‏يارب لامن صارو العالم اشباه
‏ميزّني انا ما اقدر اعيش عادي

.....

‏الشاعر خلف الأسلمي بعد أن وقع أسير سنة ١٩٩٠ في العراق أصابه الحزن على فراق بنته الصغيرة نوف وخشي أن يموت وتفقده بنته فقال أبياته المشهورة :

الكل يفرح في نهار الزيارة
وأنا الوحيد بعبرة الشوق مخنوق

وأن مت في سجن الرمادي بـغارة
قولو لنوف الحين يرجّع من السوق

‏ھذا غرامي سمّه اللي تسمّيه
جنون عشق أو سمّه اللي بدالك

ياصاحبي ماعاد تفرق معانيه
القصد حبك والأماني وصالك

.....