اخترنا لكم

إذا أردتَ قضاء الحاجِ من أحدٍ
قدِّم لنَجواك ما أحببتَ من سببِ

إنَّ الهدايا لها حظٌّ إذا وردتْ
أحظى من الابن عند الوالدِ الحَدِبِ

.....

الحقُّ أبلجُ لا تزيغُ سَبِيلُهُ
والحقُّ يَعرِفُهُ ذوو الألبابِ

.....

يُصابُ الفتى من عَثْرةٍ بلسانِهِ
وليس يُصابُ المرءُ من عثرةِ الرِّجْلِ

فعثْرَتُهُ من فِيه ترمي برأسه
وعثرتُهُ بالرِّجلِ تبرا على مَهْلِ

.....

بنت الرْجال اللي عليها الملازيم
تفخر بمنهجها وبسلوم اهلها

ماهيب تغريها جميع المفاهيم
لاصار فيها شي مايصلح الها

ولا تميّلها لحون الترانيم
اللي بها يلعب على كل بلها

عرض وعفاف وشرع دين وتعاليم
وكرامةٍ ماهيب ترضى بدلها

تحفظ بها روس الرجال الشغاميم
اللي ولا يرضون حتى زعلها

.....

‏ماعليك من البرود وماعلييك من المكابر
‏والله إنك غاليٍ جداً وفي قلبي لحالك

‏أنت في قلبي مقييم وغيرك من الناس عابر
‏وأنت تامر ياحبيبي كل ماعندي حلالك

‏وماعليك من الكلام وماعليك من المخابر
‏قلبي أعلن وأعترف بأن الغلا وأن الولاء لك

.....

‏الليل والعزله وقافي ومعناي
‏والامنيات الناجيه والغريقه

‏ياخذني التفكير فيها من اقصاي
‏لين الصباح يفك بالشمس ريقه

‏صدري وسيع وضحكتي في محياي
‏لو اني من الضيقه اشعر بضيقه

‏اصغر مشاريهي على احلام دنياي
‏وان ماصفت لي جعلها في حريقه

.....

‏لا على عيني غشاوة ولا على وجهي قناع
‏مقتنع في حجم علمي وفي حجم جهلي

‏البشر فيهم هوامش ومن سقط المتاع
‏ما لهم تأثير واضح على مستقبلي

‏والحياة ومجريات التلاقي والوداع
‏خضت لي فيها تجارب وجيت بْما يلي

‏يوم فضّلت انعزالي على كل اجتماع
‏استرحت وصارت الراحة ألزم ما علي

.....

‏خدرت قلبي في محبتك تخدير
‏وسحرت قلبي بالعيون الوسيعه

‏حبك شبكني مثلما يشبك الطير
‏وحكمتني بالحب حكم الشريعه

.....

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

.....

ياضايق الصدر بالله وسع الخاطر
دنياك يازين ماتستاهل الضيقه

الله على مايفرج كربتك قادر
والله له الحكم في دبرة مخاليقه

.....