اخترنا لكم

فديت وقتن حطّ في دربي رفيق
واحدن يضحك معي واضحك معه

واحدن لا صار وسط القلب ضيق
بالسّوالف والمزايح والسعه

وإن حكى بأسلوبه العذب الرّقيق
يسرق من الجوف قلبن يسمعه


.....

يا وجهك اللي عطاه الله ملح وقبول
محظوظ من يقدر يشوفك ويقدر يجيك

من يوم ماصرت محبوبي وقلبي يقول
اسف على أيامي بدونك وشكرًا عليك

.....

تصبح على خير والنية هي النية
الشوق يمسي بي ويصبح على بابك

وانتي بسرقة مشاعرنا حرامية
ياويلك من الله إذا فاحت أطيابك

لا تتركي الكبد بالأهمال مشوية
دخيل قومك وناسك وأقرب أحبابك

.....

المـال كانـه مـا نـتـفـع فيـه راعيه
هـو والعـدم واحـد بـكـثره وقـله

كم جـامـعٍ مـالٍ وهو ماهتنى فيه
غــيره بـنى بـه ثـروتـه واسـتغـله

من لاغتنت نفسه فلا المال مغنيه
يفنى ومضمون الغنى ما حصل له

.....

لاتخسر الطيب على شان زله
ياما عن الزلات ناسٍ تغاضت

سلّم عليه وقابله في محلّه
وأترك كلام اللي بالاعراض خاضت

ناسٍ تفرق بين خلٍ وخلّه
ويغيضهم صلح العرب لاتراضت

.....

يا صاحبي دنياك حظوظ ومقادير
تضحك معك والله يعينك عليها

ناسٍ بقوّه حظها يطرح الطير
وناسٍ تطير طيورها من يديها

.....

‏أسمـع مـن العقّـال حتـى تستفيـد
وابعد عـن الجهّال قـدر المستطاع

يدلّك العاقل على الراي السديد
ويـدلّك الجاهل على درب الضياع

.....

‏أمْدَحْ الطيب وزود في مديحه
والمدايح للردي عيب وخساره

وانتبه خلك صدوقٍ بالقريحه
لاتعيب أنسان مرفوعٍ وقاره

الصراحه طبع للناس الصريحه
والفخر للنفس هو راس التجاره

والمصادر خلها دايم صحيحه
لاتجي في علم مجهولٍ مساره


.....

ودي يجي المحتاج والخير موجود
واعطيه في ما املك يداي وجيوبي

ولا يجي يمي من الوقت محدود
في ساعه ما املك بها غير ثوبي

.....

ياللي تبي تزعل من الحق مسكين
تزعل وترضى والعرب مادروبك

الناس ماهم عنك لوقلت دارين
قبل تعيب الناس صحح عيوبك

يامعدل المايل ترى الناس صعبين
ياليت تفكيرك بشيٍ يصوبك

عامل جميع الناس بالمنطق الزين
واطلب عسى مولاك يغفر ذنوبك

.....