اخترنا لكم

ملاذ الروح وشعورك معي ما تلحقه شكات
‏اعرف ان وجهتك وحده وغيري ما تنبيته

‏تعودني على جبر الخواطر وطيب البسمات
‏وانا لو اشتكي لجدار ماله روح هديته

‏عطيتك عمري الباقي ولا ترجع على اللي فات
‏ترا اللي فات همنً في عيون الناس بقيته

.....

العمر وقفات والدنيا دروس وعبر
والعاقل اللي عرف الايام وحمولها

من جادل الجاهلين يضيع له في بحر
فلا تخاطب الناس إلا بمستوى عقولها

ثنتين خذها معك يا من يهمه الأمر
وصى عليها الحكيم لطيب مفعولها

لا تمدح العود لين يحط فوق الجمر
ولا تمدح الناس حتى تظهر فعولها

.....

إن شانت الدنيا ترا العمر مقسوم
محدٍ حياته جت على ما يريده

دايم تفائل بالامل واترك اللوم
عش لحضتك واللي مضى لا تعيده

.....

احسب اني كل ما طالت المده سليت
واثر قلبي لو يطول المفارق ماسلى

كل ماعرّض خياله على بالي بكيت
آه يا ذيك الليالي وياذاك الغلى

المفارق في المحبه هوينً لودريت
قادرً جرحك يطيب وهمك ينجلى

بس فرقى غالي مات مامثله رأيت
ينبري حالك ونفسك يطاولها البلى


فهد الخضران

الا ياحبيبي كلما قلت جابك شوق
تجي تنبش الماضي وتعتب على الفاضي

ترا المشكلة حنا على الأرض وانته فوق
عجزنا نسلي خاطرك وانت مو راضي

بلال الحاج

كلما مريت في بالي مرور
تضحك الدنيا ولو هي باكية

بس فيك العنجهية والغرور
ايقضت فيني الجروح الناكية


بلال الحاج

يالله يامن تعز العبد والا تذل
انا أحمدك عد ما هبت علينا الهبوب

وحدك إلاهي عليك الرُكن والمُتكل
لاضاقت الأرض عندك ماتضيق الدروب

ياغافر الذنب لاجيتك ذنوبي دبل
برحمتك وانت عارف وش تكن القلوب

بلال الحاج

ماتضيق الا على الناس الزحول
ولا تزين الا مع الناس الهمل

وانت وانا ياصديقي ابنطول
الصعايب دام بالله الأمل



بلال الحاج

يعم الهدوء ويستثير السكون الصوت
‏وأنا بين صوت العقل واحساسي الجايش

‏ماضيعني وذوقني الموت قبل أموت
‏الا عقلي المتحرّص وقلبي الطايش

‏أشوف الحياة جنازةٍ في بطن تابوت
‏لكني رغم كل الصعوبات متعايش

‏ترا ما أصعب من الموت واللي خلاف الموت
‏إلا الفترة اللي لا أنت ميت ولا عايش

.....

‏عذرته وسامحته على كل ماسواه
‏ومديت له يمنى المفارق وودعته

‏احبه و لكن خاطري جاه ما كفاه
‏يكفيني اني لا جرحته ولا اوجعته

.....