اخترنا لكم

‏لا تعلّمني قديم السوالف والجديد
‏الحياه مجرّبه والرّجال مجرّبه

‏واحدٍ همه من الناس وشلون استفيد
‏ياسلام الله على واحدٍ ما قرّبه

‏الليالي علمتنا القريب من البعيد
‏والحلوق اللي لسرد الكلام مدرّبه

‏من رضانا كل صبح يتجلّا صبح عيد
‏ومن رهانا كل مغرور ما ننغر به

.....

‏يارب عبدك خايف يفوت الأوان
‏وفي كل مرّه يذنب ويرجع يتوب

‏يركض ورى الدنيا مثل ركض الحصان
‏ويغريه صوت الفاتن الغرو اللعوب

‏والشاعر اللي عقله يعيش إتّزان
‏قلبه ترى ماهو مثل باقي القلوب

.....

‏في صفحة التاريخ بحط اعتراف
‏لو العيون مْن الحدث متغاضيه

‏الناس لولا التفرقه والائتلاف
‏لقيتهم شعله ونارٍ لاضية

‏مع اتفاقي ماكرهت الاختلاف
‏ومشاعري في كل حاله راضيه

‏احس مع ثورة مجال الاكتشاف
‏اني ولد ذيك السنين الماضيه

.....

‏قدرتك يارب تحيي الرميم من العظام
‏ورحمتك تنشاف حتى على نسايها

‏أجرني يالله من كل خطوات الحرام
‏ولا تكلّ نفـسي لنزواتها وغوايها

.....

‏بعثر الريح مايحلو من اوراقي
‏واستمر الضياع وسادت الكُربه

‏اقطع الدرب وأغني من أعماقي
‏ويعلم الله ماغنيت من طرربه

‏السفر غير عن ماكنت أنا هاقي
‏والبلد غير عن ماكنت افكر به

‏بين ضحكة رضاي وضيقة اخلاقي
‏غربة الرجل عن نفسه هي الغربه

.....

‏اشتقت للبحّه اللي دونها الوصل شح
‏ولعيونه الناعسات وصافي الوجنتين
‏َ
‏ولا هانت الضحكة اللي ما تأكدت صح
‏هي بين قوسين ولّا بين غمازتين

.....

‏خذيت الأمان اللي مايوخذ بنظرة عين
‏ على جال ريضان الحشا تسرح وتمرح

‏ وقريت المهابة في عيونك ثلاث سنين
‏هي اللي حورها بسطت هيبة المسرح

‏احبك واحنك واخجلك بالكلام الزين
‏ وأدور من يبشرني بجيتك وافرح

‏وأنا والله أني خابر انك طرف سكين
‏متى ما عطاك الله تمكّن تبي تجرح

.....

على الكون خيّم جوّ تسبيح واستغفار
‏مشاعر تعيّش فاقد الحاله الحاله

‏هنيّاً لمن يستغفر الله بالاسحار
‏وينفض غبار الصدر ويصحح اعماله

‏طقوس العبادة تنعش المخ والافكار
‏وتعطي الجسم طاقة مثل طاقة الآله

.....

‏لو كان بيني وبينك فالحياة اتفاق
عشنا الحياة السعيده في حياة الشقى

لكن خطاويك تمشي في طريق الفراق
ما فيه خطوه مشت لي في طريق اللقى

.....

‏«إستعذت مْن الدروب اللي نهايتها حسافة
‏قبل ترميني ملذّات الزمن في جوف غبة

.....