اخترنا لكم

مابقى إلا حاجتين ٍ فالضمير
وترجع الدنيا نظيفة صافية

الحقير نرجعه لصله حقير
والمريض نبشره بالعافية

والله أني قبل أحبك مستخير
وخيرة الله للبنادم شافية

رغم دربك صعب والموقف خطير
وافية يانور عيني وافية

أما أنا ياغايتي ماني بخير
القدم فالشوك تمشي حافية

.....

رفيق مايَنْفَعْكْ حزة لزومك
مثل السراب اللي يغرك لميعه

لاصار ماهو داريٍ وش همومك
مالك وماله خل نفسك رفيعه

ارفع طموحك لاتردى عزومك
والعز خله لك مقام وطبيعه

محدن على فعل الجزيله يلومك
ورزقك على اللي ماخسر من يطيعه

.....

‏من اوّلٍ طيب الولد من خواله
واليوم طيبه من خويٍ يخاويه

اما يقوده مع دروب الجماله
والا يدلّه للردى لين يرديه

.....

‏ليت القدر لا جمع الناس بالناس
يجمع قلوب الناس كلٍ وطبعه

مايستوي الألماس وجنبه نحاس
ولا يروي الصافي سوى عذب نبعه

.....

مساء الخــير ياحُــبي عسى ماجاك مـني اهمال
أمـانـة طـمّن الخاطر من الخاطر بـ ذي البيـتين

حبيبي أنت وحدك من سكن قلبي وصال وجال
ومصدر راحتي والأنُـس فـي الدنيا ونور العين

أحـبك حُـب مـاقـد حَـب مثـله في الخـلايق آل
أحبك حُب من ذا اليوم ياخلّي لـيوم الدين

.....

وخذاني خيّاله بين قمرا وشِبة ضوء
‏وسِرى بي مثل مسرى الهبّوب الشماليه

منصور الحبابي

‏وفيت ماكنت ادري أن الوفاء ذنب
‏واليوم ماني تحت طوعك ولا امرك

‌‏ساعدني أترك ذكرياتك على جنب
‏وأعيش عمري مثل ماعشت عمرك

منصور الحبابي

لبــيــك يلي ماخــذ القـلب والروح
ارحب مـكـانك واضـحٍ بلـمــحاني

اجرح وعذب ياهوا البال مسموح
وابشـر بقلبٍ سـامحك في ثوانـي

.....

مثل القمر وجهك مع الليل وضاح
سبحان من صور جمالك وتمه

مافيه غيرك في سما خافقي لاح
حتـى بغايبك طيف روحك ألومه

.....

‏ياحي القصيد الزين والبيت والبيتين
‏اليا صار سلة سيف ماهوب جنبيه
‏ِ
‏أنا بنت قومٍ فعلهم في الطغاه يبين
‏ولي عزةٍ فوق النجوم السماويه
‏ِ
‏مانطرد ورى المقفي ولا نتبع الغاوين
‏خلقنا كباريه ونبقى كباريه

.....