اخترنا لكم شعر نبطي وفصيح

لك الحب يجمعني حطب والوله كبريت
ومسا البارح طيوفك لقوني وشبوني

.....

وش المانع احبك واحبك بدون اسباب
ماعندي سبب مدامك انت اجمل اسبابي

.....

كرامة النفس أعظم من مشاعرها
من عز نفسه لقى فالناس مقـداره

.....

بـين الجديد وذكرياتن قديمه
حاجات مفقوده وحاجات للحين

وكن الهوى لا هب بارد نسيمه
يذكر اللي عن هوى الشوق سالين

فقدت لي حاجه لها ألف قيمه
راحت بها أيام وشهور وسنين

.....

لك طله كنها القمر في محياك
يضوي سنا نورك عتيم الليالي

من لايعشق بالغيد مثلك وحلياك
لا جاء مجال الزين لايجيب طاري

.....

تدري اني ميتٍ فيك من ذيك السنين
واتمنى اقابلك لاجل اقول اموت فيك

لو يجيبك جاه جيتك بجاه الطيبين
ولو يجيبك مال ببيع بيتي واشتريك

.....

علاج الكبود اليا تعديت حدّ النور
على ضو قمرا في طرف خايعٍ خالي

.....

‏عيني على عقرب الساعه ودقاته
يالتني ماذكرت الشوق لعيونك

ابسألك يابعد قلبي ونبضاته
من مات فيك كيف يعيش من دونك

.....

ما بين ظرف الزمان وبين ظرف المكان
إن جيت خلّك معي وإن رحت خلّك معي

.....

يهب برد الوداع بليلة المسرى
‏تقفي بوشاح الدفا وتجرّد اضلاعي

‏ويلوح طيفك حنين بسكة الذكرى
‏يحرث بقايا سهر ويجدد اوجاعي

.....