اخترنا لكم

‏‌ياعالم الغيب والنيات سبحانك
‏رحمتك خير من الدنيـا ومـافيها

‏أسئلك يارب توفيقـك وغفـرانك
‏وسعادة مـاتخيب قلب راجيها

آمين

افرح عشانك معي فرحه ومن دون ليه
‏يكفيني اعيش في طرفك وانا اتأمله

‏العالم تشوف وجهك مثل كل الوجيه
‏واشوف وجهك بعيني عالم بأكمله

.....

والله ان قلبي بوجودك تفرح ايامه وشهوره
‏تضحك الدنيا بوجهه ويبتسم حظه ويهنى

‏من يلوم احساس قلبي لو يباهي في شعوره
‏وانت من مريت دربه صار بك أجمل وأغنى

‏لا عدمنا نور وجهٍ ضحكتي رهن لسروره
‏ولا عدمنا قرب روحٍ من عروق القلب أدنى

.....

‏اعرف الساكت اللي نظرة عيونه تقول حكاه
‏يرد لسانه من البوح لكن تفضحه عينه

.....

‏جينا نـبي منك الفوايد والارباح
‏ورحنا نقول اثر السلامه غنيمه

.....

‏انا حسبت الأرض بالطول والعرض
‏لين أكتشفت ان المسافة خديعه

‏لو الوسيعة أسم يُطلق على الأرض
‏أنا من عيونك عرفت الوسيعه

.....

عطيتك غلا وان قصر القلب لا يعطيك
تسلفت من حب الرفاقه على شانك

.....

‏صبرت ولا ظفرت وقلتها لك بالفم المليان
‏أنا ما جيتك اذرف دمعتي حتى تواسيني

‏غلاك اللي ليا جيته زما ما يروي العطشان
‏لو انك في عروقي تجمعه ما عاد يرويني

‏على تالي مواعيدك من البارح وأنا سهران
‏بغيتك للسهر مثل المنام وطحت من عيني

.....

اجبـــــر بخاطـــر مــن تعـزه وتغليــه
وهده شعور الجبــر من طيب خاطر

واعط الغلا من يستحق منك تعطيـه
لين الغــلا يظهر بفيــض المشاعـر

واوفي بوعدك من عطا وعد يوفـيه
لاتوعــد الا ونتــــه عالوعــد قــــادر

ومــن عطيــته بالوفا عهد يرضيــــه
اوفي معه بلعهـــد غايــــب وحاظــر

والصادق الــي بالمشاعـــــر تجاريـــه
اقــوى وابلــغ من مجـاراة شاعــــــر

.....

غروب الشـمس فيـها مثل خـدك
مثـل عيــن الــذي فـارق خـليله

عسـى في يـوم تـعرف كبــر قـدرك
كثــير النــاس مـن دونــك قليـلـه

.....