اخترنا لكم

هني من عـــاش معتمد على حاله
‏ولا يبي من البشـــر شـــكر ولا منه

‏ما دور لـ صحبة التــاجر لجل ماله
‏ما يبغي الا الستـــر والعفو والجنه

‏يـنـام من كـــل هـــم مريـــح باله
‏وصلى فروضه وصلى الوتر والسنه

‏ماهوب يدعى عليه إنسان يدعى له
‏النـــاس حبـــوه والله راضـــي عنه

.....

‏يالله برزقٍ حـــلال ويســـتر الحاجه
‏يذهل جميع البنـــوك اللي يمر ابها

‏يعـدل الوضـع مـزريّـــه ومنـعاجه
‏وتضيق منه الوسيــعه في مـــناكبها

‏ويضيق منه العــدو ويعقّد احجاجه
‏ويموت من حر من صدره يشب ابها

.....

‏ازعجتنـــا بالمرجـــله والمـــواجيب
‏وراسك على اهل المرجله داخلٍ عرض

‏لا تنقـــد اهل الطيب وانته عن الطيب
‏ابعـــد من المريخ عن كـــوكب الارض

.....

أبعد عن اللي مصـادرهم يقولون
‏ويروجـون النـميـمة والإشــاعــة

‏حلـوقهم دايـماً مثـل الـتـلــفون
‏تحت الطلب أربع وعشرين ساعة

.....

‏لا ضاق صـــــدري وباغتتني دموعي
‏المصحف المصحف ولا غـيرھ علاج

‏گـــــلام ربي لا دخــل في ضلـــوعي
‏يصبح لظلمة صدري والضيقه سراج

.....

‏اللي مـعـك مـاهـوب فــي خط واحد
‏صـداقـته لــو طـوّلــت مـابـهــا خير

‏وش ترتجي من شخص خايب وجاحد
‏عـن صـحـبـتـه يغـنـيك وال المقادير

.....

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك للسكوت اللي تكلم عن متاهاتي

.....

‏يا ذات القوام الفارع الناحل الميّال
‏أنا أحتاج أشوفك كل ليلة عشان أفرح

‏كتبتك وغنّيت القصيدة على الأطلال
‏قبل لا أكتب أبيات القصيدة على المسرح

‏خذيني من هموم المسافة وضيق البال
‏وعن اللي بصدري لا يهدّي ولا يبرح

‏وتجرّي علي برمشك الجارح القتّال
‏وش اللي يرد رموشك السود لا تجرح

.....

‏يا رفيقي واجه الوقت بالرّاي الوجيه
‏المواجه بعض الاحيان نوع من الحلول

‏كل ما حدّك زمانك على اللي ما تبيه
‏الله الله فالمواقف على حسب الاصول

‏لا تسوم الوجه الابيض ولا ترضى عليه
‏ما يقلل قيمته عند ذربين الفعول

‏الحياء لا قل فالارض ولا في الوجيه
‏قل مافيها من الجاذبيه والقبول

.....

‏تعوّضك في خساير وقتك ارباحه
‏ياللي تقول الليالي ضيّقت صدري

‏وضع الدهر مثل وضع الشعر فالساحه
‏اللي تجمّع بها الفوقي مع الحدري

‏غامر لو الصبر ضاع وضاع مفتاحه
‏والحق على لذّه الايام من بدري

‏ترا حياة الرغـد والنـوم والراحـه
‏تأخذ من ايام عمرك وانت ما تدري

.....