اخترنا لكم

ماجيت يم السوق لجل اتشرى
‏لا والله الا ضاق صدري ومليت

‏تاخذني الضيقة من البيت برى
‏واليا طلعت أرضى على ضيقة البيت

.....

يا رب لا يفرح بنا كل شمات
‏ولا تحمّلنا ما لا نستطيعه

‏يا باسط الأرض وبديع السموات
‏تستر من صدوف الليال الشنيعة

‏ما نطلب ولا نرجي إلا أنت بالذات
‏ونفوسنا ماهي لغيرك مطيعة

‏وإن ضاقت الدنيا علينا سهالات
‏صدورنا من فضل ربي وسيعة

.....

‏‌ عام هجري جديد ١٤٤٧

‏العمر يمضي والليالي مديدة
‏عام انصرم والعام الاخر لفانا

‏وش رايكم نبدا بصفحة جديدة
‏عنـوانها نبغا نعدل خطانا

‏‌ علي الشريف ⁩

‏علم اللـي كل واحد مايشوف الثاني
ماتفيد العيشه اللـي ماوراها جمعه

يابنادم لـو يطـول العمر عمرك فـاني
كل عام يمر تطفي من سنينك شمعه

لو تـدورنـي بـعـد مـده ولا تـلقانـي
وش يفيدك بعد موتي لوتهل الدمعه

وان رحلنا يا عسانا نفوز بالأحساني
وياعسانا ما نخلي غير طيب السمعه

فهد الشبلي

‏بين عامٍ يروح وبين عامٍ يجينا
ياالله انك تجملنا بحسن الختام

يوم نرحل من الدنيا ويبكي علينا
كل غالي عزيز و كل راعي مقام

فايز المنصوري

‏ما عاد لي في تالي العمر حاجه
إلا صلاةٍ مع جموع المصلين

ستين عام وكننا فـي عجاجه
نركض ورا الدنيا مع الناس لاهين

راح الشباب وراح وقت ابتهاجه
والشيب لاح بعارضي والكبر شين

وبان الظهر لا قمت فيه انعواجه
وصار النظر ماهو بعيدٍ عن العين

.....

الله يا سرع الليالي والايـام
‏راحت سنه من عمرنا مادرينا

‏قبل امس اذكر توّنا بأول العام
‏واليوم بالعام الجديد ابتدينا

‏لا هين بالدنيا على حمر الانعام
‏نضحك على الدنيا وتضحك علينا

.....

‏فــي حياتي مـاكرهت إلا ثلاثه
‏الـزعـول اللي ولا شـي يتحمّل

‏والضحوك اللي ورا هرجه خباثه
‏والضعيف اللي علومه ما تجمّل

.....

وإن ضما قلبي من الوقت وإجحاف السنين
من مناهل وجهك السمح عيني ترتوي

.....

من يلوم القلب لامنّه تباها
في كبير الجاه شيّال الثقالي

ما بقى قمّة مفاخر ما نصاها
راقيٍ شمّ المراقيب الطوالي

لا أدرك الصعبة يجيب اللي وراها
ثم سنّدها على روس المعالي

كيف ما اغترّ دام أنا عيني ملاها
اللي مزوّد مع غروري دلالي

غريب العتيبي