اخترنا لكم شعر نبطي وفصيح

لا لمحت الكبر في منطق رفاقي
قلت يا نفسي ولا نصبر دقيقه

الكرامه دونها لو ما نلاقي
من نصاحب كل واحد في طريقه

من تغير واختلف ماعاد باقي
في وجوده اي داعي فالحقيقه

من يريد البعد ويدور فراقي
لا يدور عن سبب ولا طريقه

يبتعد ما دام ما ناسب مذاقي
لا يجيني في تصرف ما اطيقه

.....

إن جاك مني طيب تستاهل الطيب
وإن جاك غير الطيب راجع سواياك

.....

مدري وش اللي مزعل الوقت مني
راحت حياتي بين خزن وتناهيت

ماينتهي حزني ولوضحك سني
ولاسارت الدنيا على ما تمنيت

لا اظلم علي الليل حسيت كني
مالي اهل مالي قرايب ولا بيت

اليل موحش واخلف الوقت ضني
وعلى كثر ما قد تونست عانيت

.....

قلبي معك عندك وضعته امانة
حاول تشوف اخبار قلبي ومافيه

لا تسالوني يا الغلا عن مكانة
مكانه قلبي في عيونك مخبيه

مابه لزوم اعطي لحبك ضمانه
ضمانتك بوسط قلبي سكن فيه

حافظ عليه من الزمن وامتحانه
امنتك الله احفظ القلب واحميه

.....

ماني ضعيف إيمان لكني انسان
تجرحني الكلمة ويقتلني الظن

قصة مشاعر خلفها الف خذلان
عاشت وكبرت مثل مايكبر السن

اناضحيه صمت في ظلم الازمان
صابر واقول الجاي يارب احسن

ياكثر شرهاتي على ماضي كان
وياكبر هقواتي على الصبر ماجاء

.....

ما اكذب عليك واقول انا اليوم رايق
واكبر عيوني ف الحياة الصراحة

لا والله اني يارايش العين ضايق
والضيق ماخلا في الصدر راحه

صحيح انافي بحرك امسيت غارق
والبحر مايرحم غشيم السباحه

لكن صدري رغم حجم العوايق
متعود بنفسة يداوي جراحه

.....

اضحك وفي داخلي شئ من الضيق
واساير العالم وفكري ماهو حاضر

يقولون بعد الصبر تهل التوافيق
وانا جرالي مايجعل الصبر قادر

ويا الله يامفرج دبور المخاليق
تفرج لي همومي وتشرح الي الخاطر

.....

‏لا من جفاك الوقت بعيون غاليك
أحذر توصلها حدود الكرامه

إن كان في قلبه محبتك بيجيك
وإن راح قله مع دروب السلامه

.....

سريت انا والذيب وديان وشعاب
خـاويت مابين السـباع والـذيابـه

سرنا وحـطينا على سهـل وهضاب
اتعـمقـت فيـنا الثـقه وسـط غـابـه

نرفع بقدر الجيد وله عندنا حِساب
ومــن تـكـبـر مـاحــسـبنـا حـسـابـه

مـن مـدنا بالـود نـبقى له اصـحاب
طبـع الـرجـاجـيل مـاعلـيهـا غـرابــه

ومن شاف نفسه فوق ماكان يرتاب
مـا حن نـهابه لـو سـكـن فـي السحابـه

.....

قـال الـذي مـرت علـيه التجارب
ايام بـعد ايام مـع الـوقت ساعي

الـسُم دايـم فـي ذيـول الـعقارب
مـفعـولها مثل سمـوم الأفاعي

.....