فوق هام السحب ( الشعر الشعبي) على متن القوافي

ليت مالك بالعمر لحظه غياب
او فراق ديار او سكة سفر

اسوء الحالات واكثرها عذاب
غيبة اللي نظرتة تسوى عمر

.....

لا تسهرين إلا على قلب مغليك
ولا تنعسين إلا على رمش عيني

متماسكين الود وايدي بيديك
ومتقاسمين الهم بينك وبيني

.....

وان جفت عروق المواصل وصدّيت
ماني على الماضـي كثيـر الحسايف

.....

سقى اللّه ليالي عشت فيها مع الأحباب
ليا جيتهم ضايق رجع خاطري سالي

.....

من مد لي من طارف الورد وردة
‏أهديت له من غالي الورد بستان

.....

‏لك الله يا غزه ولك منع منعنا
إذا ما انتقمنا لك من المجرم الوضيع

‏بذلنا على صون الشرف ما بوسعنا
وفي وسعنا نحمي شرفنا ونستطيع

دمانا الزكيه ثورت لجل ربعنا
ومهما صرفنا الدم ماشي لنا صنيع

بقلمي

اكتم غرامك في ضلوعي عن الناس
حتى أنت ماتدري وش كثر احبك

.....

عزيت نفسي عن بشر ظنهم شين
‏ مهما رفعت بقدرهم قل ادبهم

جحاولت اكسبهم على العسر واللين
‏واقفيت عنهم يوم ربي كشفهم

.....

‏اشتاقلك شوقٍ يفوق التواصيف
‏اكـبر مـن اللي ناوين لك اقـــوله

‏اشتاقلك والحـب يكتب سواليف
‏ياغاية المشــتاق عــرضــه وطوله

.....