اخترنا لكم شعر نبطي وفصيح

حنّا مع الطيّب على كل حاله
ان طاب طبنا و ان تعذّر عذرناه

الله يوفقنا الوفا و الجماله
و اللاش عنّا يقلع الله نحاياه

.....

نار المراجل علـى ما قيل وهاجه
و اهل الوفا تاخذ الحاجه وتعطيها

و ليا نصانا عريب الجد في حاجه
تضيق فينا الوسيعه لين نقضيها

.....

الفقر فقر الدين و العمر ساعه
ما هو بفقر المال والاّ العلاقات

لا صار وقتك بين طاعه و طاعه
شطّب على دنيا الفنا و الملذات

.....

لا صار مال الرجل مبدا وشيمه
ولا له مع اهل الطيب وجه ٍ ولا جاه

يدخل على الله لا يفارق حريمه
ويحط في صالة هل البيت مركاه

.....

الحمد لله و التمجيد و المنّه
و الشكر له و الثنا و الفضل سبحانه

شهرين نردف بها الونّه ورى الونّه
سكر بها المسجد المعمور بيبانه

نبكي على الفرض به نبكي على السنّه
و الصف الاول و محرابه و شيبانه

و اليوم يا مرحبا يا ريحة الجنّه
يا قطعة ٍ من رياض الحق مزدانه

.....

ضعفي محبة لا تقول اني ضعيف
عز الله انه كان لي قلب قوي

تقول لك قلب من الرقة شفيف
واقول ليته عن عذابي يرعوى

لي عام روحي لا تهيد ولا تقيف
ما غير تلعب فالضلوع و تنزوي

جرحتني جرح على جرح كليف
و خليتني مثل الغريب ابلا خوي

تبيني اجلس لا يجي هرجك عنيف
تبيني اغادر غديتلك جلوي

.....

فَيا نَادِبِي سِر فِي قرَاها وَمَسْنَدِي
إلى حَيْ بَينَ أطلاَلْ نَجْدٍ جثُومَهَا

إلىَ سِرْتها مِنْ دَار ميّ وَغَربتْ
ونَابَاكْ مِنْ طُفَّاحْ نَجْدٍ خشُومهَا

أوَّلْ موارِي دَارهُمْ لِكْ جلاَلَهْ
حَاشَا الإلهْ وَبَاقِي الدَّارْ زُومهَا

علمي بهم قطن على جوْ ثَادِقْ
سِقاهَا مِرنَّات الْغَوادِي ركُومهَا

مَرَابيع لَذَّاتِي وَغَايَاتْ مَطْلبِي
وَمَخْصُوصْ رَاحاتِي بهَا في عمُومهَا

.....

يا علي صحت بالصوت الرفيع
يا مرة لا تذبين القناع

يا علي عندكم صفرا صنيع
سنها يا على وقم الرباع

نشتري ياعلى كأنك تبيع
بالعمر مير ما ظني تباع

شاقني ياعلي قمرا وربيع
يوم أنا آمر و كل امري مطاع

يوم أهلنا وأهل مي جميع
نازلين على جال الرفاع

ضحكتى بينهم وأنا رضيع
ما سوت بكيتي يوم الوداع

هم بروني وأنا عودي رفيع
يا علي مثل ما يبرا اليراع

طوعوني وأنا ما كنت اطيع
وغلبوني وأنا قرم شجاع

وجد عيني على ظبي تليع
عندكم كن فى خده شماع

شيبتني وأنا توّي رضيع
جاهل توّ في سن الرضاع

سايمين الهوى يا من يبيع
سايمين الهو لاهل الرفاع

وانت يا لايمي جعلك تضيع
ما تماري بها مثل الشعاع

ودي اسلاه والكون الفنيع
سلوتي ياعلي ما تستطاع

دون مي الظبي وام الوضيع
والثعالب وتر بيع الشراع

ورأس ريع دخل فى بطن ريع
مستطيل ووديان وساع

محمد بن لعبون

ياذا الحمام اللي سجع بلحون
وشبك على عيني تبكيها

ذكرتني عصر مضى وفنون
قبلك دروب الغي ناسيها

أهلي يلوموني ولا يدرون
والنار تحرق رجل واطيها

لا تطري الفرقى على المحزون
ما أدانى أنا الفرقى وطاريها

أربع بناجرفى يد المجمول
توه ضحي العيد شاريها

أنا اشهد انه كامل و مزيون
مثل البدر سنا الليل شارع فيها

يامن يياصرني انا مفتون
الروح فيها الذي فيها

يامن يعاوني على الغليون
والدلة الصفراء مركيها

سته بناجر وأربعه يزهون
وان اقبلت فالنور غاشيها

أبو هيا طرب يشيل فنون
ما ثمن الدنيا وطاريها

.....

حي المنازل تحية عين
لمصافح النوم سهرانه

والاَّ تحية غريم الدين
معسر ووافاه ديانه

منزل فريد البها والزين
عطبول مكحولة اعيانه

ودي بنسيانها ومن اين
ينسى محمد لخلانه

اطيع انا في هواه اثنين
سلطان قلبي وشيطانه

اتبع هواها من اين إلى اين
واحظى بشوفه ورضوانه

وابغضت الادنين والاقصين
واحببت قومه على شانه

يالايمي به شوين شوين
ديان قلبي وديوانه

ما شفت برقٍ سري ما بين
ذيك الحواجب بليوانه

وما ذقت مابي رماك البين
بين شفتيها و برهانه

ومجدَّلاتٍ على المتنين
سافات خانه على خانه

والبطن والخصر والنهدين
والعنق والعين وأوجانه

والورك والساق والفخذين
من بينهن فلقة الدانه

ولا دعاك الولع ياشين
دعوى المدوه لظميانه

وين اشتكى ما دهاني وين
مشكاي لله سبحانه

واقول يا أهل الهوي عزين
ما قال محسن لعثمانه

.....