فوق هام السحب ( الشعر الشعبي) على متن القوافي

مايدور الزلات غير ابتر الصيت
‏اللي علومه ماتعدى محله

.....

‏اقلطي وسط الضلوع اللي تهلي مرحبا بك
والمكان اللي جمعنا قبل مدّه عارفينه

قبل نبدأ بالسلام بنظرة عيونك عتابك
والطهر والحزن واللوعات وانتي والسكينه

جابك الماضي المعتّق بالشعر والليل جابك
والحزن في كل مره يلمسك تبّت يدينه

.....

يسعد مساكم بالقصايد والابيات
‏واجمل حروف الشعرواجمل قوافي

‏لكل غالي مسكنه داخل الذات
‏ومكانته وسط الضلوع الخوافي

‏مني سلام الود واجمل تحيات
‏مخصوص توصل كل انسان وافي

‏بالورد والنرجس على شكل باقات
‏من قلب صافي للقلوب النظافي

.....

‏ترى الكرامة سلعة مالهاسوق
‏مايشتريها المال ياصاحب المال

‏لاصرت ماذليت نفسك لمخلوق
‏أنت الغني لو كان ماتملك ريال

.....

‏لاشفت برق الخيانه في عيون الصديق
‏فارق ضعونه فراقٍ ماش عقبه لقا

‏خله يهف بطريق وشف لنفسك طريق
‏أخير من صحبةٍ ماهي بصحبة نقا

.....

‏تبغى تصير إنسان عايش براحه
‏لاتشغل التفكير بأوضاع غيرك

‏واصنع لنفسك في حياتك مساحه
‏وابعد عن العالم وريح ضميرك

.....

‏جيتك ورق مكشوف مافيه تمثيل
‏ حفظت حبك مثل حفظ الأمانه

‏ مارحت أسولف فيك للقال والقيل
‏حتى ولو بيني وبينه ميانه

.....

‏ياليل لي مخلوق غالي على البال
دايم مع صمتك خيالي يراعيه

هـو يسهرك مثلي قصايد وموال
سلم على قلبه وداعب امانيه

.....

‏دفنت الهوى في داخلي والقلوب أسرار
‏مقادير حظي واقفه ضده وضدي

‏عليه الغلا والود لو شانت الأقدار
‏وعليه المدامع بالخفا بيحت سدّي

.....

‏لاتلوم اللي رفع صوته يهلي
‏يوم شافك مادرا بالناس حوله

‏عقب فزّ القلب كيف ابقى محلّي
‏واتجاهل فرحة القلب وذهوله

‏اتجاهل وانت شمسي وانت ظلّي
‏من يقوله ياحبيبي من يقوله

‏خلّهم يدرون بإنك كل كلّي
‏من متى خلّك يفكّر في عذوله

.....