فوق هام السحب ( الشعر الشعبي) على متن القوافي

‏انا ادري ان المظهر احيان مطلوب
‏لكن مهوب مطلوب في كل الأحوال

‏علامة الرجال ماهيب في الثوب
‏اهم شي يكون في الثوب رجال

.....

يسعد مساء من هو كما معدن الماس
‏اعشقك واعشق ضحكتك مع مزوحك

‏ويسعد مساك الممتلي برد واحساس
‏ويسعد مساء قلبك وعمرك وروحك

.....

تلعب طرب وانا بنومي هواجيس
ماسهرك بالليل كثر الهمومي

أسهر إلى نامت عيون الهداريس
بالليل اراعي ساهرت النجومي

أونس بقلبي مثل صلو المحاميس
الله يلوم اللي لحالي يلومي


من قصيدة الشيخ والشاعر تركي بن حميد

مابين جشة حصان وبين هدرة جمل
‏وفِي وجه سبع يحوف الركب والدرب شوك

‏مامال متن عليه من الليالي حمل
‏لوقصرت من الثقال ايدين عوج الحنوك

‏ياحادي العيس مال المفردات مهمل
‏لاقالو اختار بين وقوفها والبروك

‏علاقة الوقت ذا كنها علاقة عمل
‏ان جيتهم رحبوا وان غبت منهم نسوك

.....

‏قالت أنت تموت فيني وقلبك مايخون
‏والتفت لها من اعماقي وصارحتها

‏قلت انا ميّت وميت وميت ومغبون
‏يعني فوق الارض احبك واحبك تحتها
‏‌
علي الدعية⁩

موت الأنسان فالأنسان هو المطمّه
‏وأنا ماني بميت فيك ميّت قليلة

‏أبتعدنا ولا زلتي للإحساس يمّه
‏مُلهمة كل يوم وسالفة كل ليلة
‏‌
فهد قطنان

‏انشد اللي على الدنيا قديم وخبير
‏ثاقبٍ ماخذا الدنيا على شكلها

‏في الملذّات لاتستعجلون الأخير
‏اصطياد الفريسة أجمل من أكلها

‏‌سعد علوش⁩

‏تمرد الليل واحتاج الضمير النزيه
‏للحظة اللي تخفف همه المنتشر

‏كم له وهو يحتريها مير عيّت تجيه
‏الحظ تعبان وظروف الليالي قشر

‏تخفي كلامٍ يفكر راعي العقل فيه
‏وتنشر مواضيع ليست قابلة للنشر

.....

‏مرحبا من سبب والّا بليَّا سبايب
‏ياسبب كل جرح ويا دوا كل علّة

‏ياحبيبي بدون أدنى شكوك وطلايب
‏والله وبالله اللي كوَّن الكون كلّه
‏
‏إنك الحاضر اللي كن ماهوب غايب
‏وإنك الغايب اللي ماتغير محلّه

‏وأنك أغلى من أغليته وسيد الحبايب
‏دام قلبي يحب وربي وربك الله

.....

‏يامبعد عن شوف عيني مسافات
‏لاتحسب أنه يخلف البعد ظني

‏حبك بقلبي شامخ مابعد مات
‏وماهزته بُعد المسافات عني

‏لو نبتعد روحي وروحك قريبات
‏حب جمعهن غصب عنك وعني

.....