فوق هام السحب ( الشعر الشعبي) على متن القوافي

أحس بك وسط الحنايا وأضمك
‏وأوله على حسك وهمسك ونجواك

‏في خاطري ذكرى جميله تهمك
‏صورتك كاتب فوقها مقدر أنسآك

.....

مساء الغلا والشوق لعيون مخلوق
‏أخذني عن العالم بحاسيس روحه

‏مسائي معه رايق وله منزلاً مرموق
‏احاسيسنا وحده وبوحي على بوحه

.....

‏أحلى هديه في حياتي وجودك
جتني من دروب الصدف بابتسامه

بالأمس خايف لاتعدى حدودك
واليوم اسمك في خفوقي فخامه

.....

أي والله إني أحبّك والمحبه جمر
يشبها الشوق وتدخن عباراتها

يامرحبا وأقلط بصدري وأخذ لك عمر
لابارك الله بدنيانا وصكّاتها

.....

فديت وقتن حطّ في دربي رفيق
واحدن يضحك معي واضحك معه

واحدن لا صار وسط القلب ضيق
بالسّوالف والمزايح وسعه

وإن حكى بأسلوبه العذب الرّقيق
يسرق من الجوف قلبن يسمعه

.....

ياوجهك اللي عطاه الله ملح وقبول
محظوظ من يقدر يشوفك ويقدر يجيك

من يوم ماصرت محبوبي وقلبي يقول
اسف على أيامي بدونك وشكرًا عليك

.....

‏يامراسيل الغلا ودي سلامي
‏واحذري لاترجعين الا بردّه

‏بلغيه أشواقي ولهفة غرامي
‏فوق باقة ورد مع زود الموده

.....

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مالخلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي ماكان إختياري

‏من متى والغصن يختار الطيور
‏من متى والبال يختار الطواري

.....

‏على سور دارك صرت أشوف الورود أشواك
‏ولا عاد جيّاتي عليها تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني

.....

ابتسم واجعل الدنيا معك تبتسم
‏وانسى همومك لو انها ضايمه

‏الدنيا لابد تاخذ من رحاها قِسم
‏لاحزن مستمر ولا سعاده دايمه

.....