فوق هام السحب ( الشعر الشعبي) على متن القوافي

‏ياليال البرد باسم اهل الهوى مشكوره
‏صاحبي ليل الشتاء مهما يضيق صدري

‏يقدر العاشق يخلص فيه كل اموره
‏يسهر ويشتاق ويعاني ويرقد بدري

.....

اضرب على الكفين واقول ياحيف
ياحيف عقب الطيب ياتي رداكم

.....

‏ابر العطايا في الأرامل والأرحام
‏وابر المخاصم ما انتهى بابتسامه

‏واشر الجروح اللي تداويه الايام
‏واشر القرايب من يحرمك سلامه

.....

والله إن اشدّ واقسى محطات الحنين
‏حاجةٍ ماهيب في يدك بس تشوفها

عناد الشيباني

حداني على طرق التوجد وانا مابيه
‏وهوى مستريحٍ حد نفسي على اقصاها

‏وانا كل ما امسى الليل همي سرى ساريه
‏سبب هاجسٍ لامن وطى العين سراها

.....

‏لاغشاك البرد ياسمح المحيّا
‏أحطب الطارف من ضلوعي وشبه

‏هات من عذب السوالف ماتهيّا
‏ودي أمسك صوتك بكفي واحبه

.....

لاصار لك من اقرب الناس عدوان
‏ارحل ترى بالبعد تلقى الكرامة

.....

اسئل عن اللي لاقسئ الوقت مامال
وفيه الثقه والصدق طبعه ومنهاج

.....

ابرسل تحياتي على شاشه الجوال
‏ومسي على من شافها دام يقراها

‏مساء الخير دام الحرف عبر عن الارسال
‏مساء الورد وحروف السعاده بمبداها

بقلمي

‏ماهو على كيف المخاليق تختار
‏مافيه أحد يعرف نهاية مصيره

‏حكم القدر واقع ولا تنفع أعذار
‏لكن ترى بعض المقادير خيره

.....