فوق هام السحب ( الشعر الشعبي) على متن القوافي

ليت الغرابيل جتني من عدوّ لي
اما تقاضيت ولا بيتقاضى لي

لكن من واحدٍ ذكرة غناةٍ لي
ولا زلت احبه وابا احبه ولا ابالي

لامر طرق بخدراته سلامّ لي
كنه يسلم علي بصوته العالي

خلوني اسج عن موضوعه احسن لي
والا الغلا والله ان يبطي وهو غالي

سعد بن جدلان

‏اتركوني في زماني لاهي ومتغاضي
‏واعفو الخاطر من اللي يوجعه ويحده

‏البلا ماهوب في حزني ولا فامراضي
‏غير والله في ضمير ماعرف وش وده

.....

والله إنّي ماقدرت أنساك بالمرّه مع إنّي
‏كل يوم أحاول أشغل نفسي بحاجه جديده

‏لكن النسيان شيّ أكبر من عزومي ومنّي
‏ياشريط بذاكرة راسي وراسي يستعيده

‏أنت يا اللي منّك دموعي ومنّك ضحك سنّي
‏ماقدرت أذوق بعدك طعم الأيّام السعيده

.....

إلى متى وأنا أكسر من الشف في بعض الأمور
‏الظاهر إن الحزن ذي المرّه فرض شخصيّته

‏أخاف أصد ويحسبون الصد نوع من الغرور
‏وأخاف أجي جيّة غريبٍ ماتثمّن جيّته

‏لاصار حب الإنعزاليه دبل حب الظهور
‏أنشهد إن الموت أخير من الحياه الميّته

.....

طال ليل الهجاد ولا بقى فيه مسرى
‏غير همي وحزني والجروح الخفايا

‏أكبت الحزن في صدري والأحباب تقرا
‏واتعب الوقت حالي فالسنين العرايا

‏يابقايا الألم والخوف وأحلام بكرى
‏ لامتى انتظر هل فيه باقي بقايا

‏راحت الأمنيات ولا بقى غير ذكرى
‏هزها الشوق والطاري وبيض النوايا

.....

تربينا على اسلاف القبايل
وسبعه انعام فيها من قبيله

على الجودات شلينا الثقايل
تنصبنا على راس الطويله

سلايل عز تلحقها سلايل
عويله حي أبوها من عويله

.....

الكامل الله والخطا طبع الانسان
والدرب يفرق عن يساره يمينه

والصاحب اللي له معزه وله شان
ان جاني بشينه تذكرت زينه

.....

التعمق بعض الاحيان مامنْه اثمره
خلك السطحي لو انك تعيش بلْا شعور

تضعف الجوده لاسويت زوم الكيمره
وانت قسها في حياتك على كل الامور

.....

سنّد على اللي في يده ملك الأملاك
‏اللي ملوك الأرض عنـده مماليك

‏اليا عطى لو ضدّك العالم أعطاك
‏وإليا منع ما أحدٍ من الناس معطيك

بقلمي

‏يطغى نسيم المساء فوق البروده
مثل الدفى والروح تشتاق له حيل

يسعد مساء اللي مسائي وجوده
وإن غاب مايفرق صباحي عن الليل

.....