فوق هام السحب ( الشعر الشعبي) على متن القوافي

‏لو في يدي شي ماقلت الوعد بكره
‏حزمت حدب الضلوع وقلت لك هيّا

‏لو كل غالي يجي دايم على ذكره
‏ماصرت اشوفك هناك وحبك هنيّا

‏ياليتني لابغيت اكره قدرت اكره
‏ماكان قلبي ليا جيت اكرهك عيّا

.....

ياسعود أنا مريت لي بيت مهجور
‏موحش وصوت الريح تصفق طياقه

‏وقفت به لحظه وعيني على السور
‏رغم ارتفاعه قاسي الهجر ذاقه

‏ماجور يابيتٍ شكى الهجر ماجور
‏وقت اللقا دايم سريعٍ فراقه

.....

جينا والميعاد عيونك
ميعاد عيونك مايكذب

يابهجت خاطر مظنونك
إبعدهم عن بالك وإقرب

.....

طيبك مع الطيب يزيده نقاوة
مثل الذهب ينفعك دامك حشمته

وطيبك مع الخايب يزيده غباوه
من ضعف عقله يحسبك مافهمته

.....

‏مثل فقد الحظ تفقدك الاماكن
‏خاليه بعدك وانا ماني خلي

‏تدري ان باسي قوي بالبعد لكن
‏صدّك وصد الزمن واجد علي

.....

‏ماخاف لو عشت بايّام انطوائيه
في عزلة الناس والدنيا انا راضي

من خبرة سنين وظروف اجتماعيه
بعض العلاقات مصنوعه على الفاضي

.....

‏يسولف علي بشويش وانا على لباه
‏ويسكت ليا مني بلبيه وهقته
‏
‏َاصدق كلامه وافهمه واكتبه واقراه
‏لو انه يقول ان البحر جف صدقته

.....

‏ماراح تلقاني وهي سهود ومهود
‏بتشوف لك صرفه واباشوف صرفه

‏لكن لاقامت تضرس أيامك السود
‏لقيتني محبوبك اللي تعرفه

.....

‏لاتقبل الا هرجة الرأس للرأس
‏صف الظنون وكل واحد وظرفه

‏من كثر هرج الناس في غيبة الناس
‏أحيان تكره واحدٍ ماتعرفه

.....

‏معي سؤال يدوّر في بالي
‏ولا فادني ليتي ولا لوّي

‏إن جا الجفا من واحدً غالي
‏في وقتها الواحد وش يسوّي

.....