فوق هام السحب ( الشعر الشعبي) على متن القوافي

‏تجود النفوس اللي من الأصل فيها جود
‏ويقدم على الجزلات من يعشق الجزلة

.....

‏اعتزلت الناس كن بيني وبين الناس غبّه
‏لاقريب ولا بعيد ولا ضفاف ولا مواني

‏الحياه المستقّره والأمور المستتبه
‏والله انها تغني من احلام وامال وأماني

.....

أشرب قبل تقفي عليك المشارب
‏ما للحسايف فالمقابيل راحه

‏السم دايم في ذيول العقارب
‏والحر دايم رفعته من جناحه

.....

بعض السوالف خلها جوف صندوُق
‏اقفل عليها صدرك بكل قوّه

‏من يكشف أسراره على كل مخلوق
‏سوات من يعطِي سلاحه عدوه

.....

‏انضج مراحل فالحياة التغافل
تدري عن الزله وتسكت عن الرد

.....

ترانا على خبرك ولو دارت الأيام
‏تغيّر تواريخ السنه ماتغيّرنا

.....

كان المسافة ترفض إني أشوفك
خل اتصالك غصب عنها يجيني

وكان اتصالك يمنعنه ظروفك
يكفي رسايل شوق بينك وبيني

وإن كان مالي حظ حتى بحروفك
خلك بعيد ومسكنك وسط عيني

.....

مشتاق لك والليل جماع الأحباب
عود لقلبي يامنى الروح عودي

طال انتظارك والرجا فيك ماخاب
صبري تجاوز ياحياتي حدودي

.....

يانصفي الثاني الدنيا شقاوة وطيش
محبةٍ باردة لاتحسب حسابها

الخبزة اليابسة في بيت طين وعريش
بصحبتك تعدل الدنيا وطلبها

.....

إن شانت الدنيا ترى العمر مقسوم
محدٍ حياته جت على مايريده

دايم تفائل بالامل واترك اللوم
عش لحضتك واللي مضى لاتعيده

.....