فوق هام السحب ( الشعر الشعبي) على متن القوافي

انطقي له يامشاعر واقلعي مقلع طميّه
‏وازبني له زبنةً منها تفر اهل البشوت

‏وارسمي له رسمةً فيها المشاعر والوصيه
‏وادركيه من الخيال اللي متاهاته شتوت

‏في سواد عيونك اشوف الحياة المخمليه
‏من سكن فيها يعيش ومن سقط منها يموت

.....

لك من الغيم اقتناص ومن النور أقتباس
‏حتى لو مالك مع الناس والدنيا بدل

‏والسجع والتورية والتطابق والجناس
‏والزهر لافاح والطير لاطار وهدل

‏الغزل في غير وجهك ظليمة وأختلاس
‏بس في ضحكاتك إنصاف وبعينك عدل

.....

الظروف اللي تساومني وتحرج وجهي
‏ماحشمت وجه الكريم من الزمن واحراجه

‏كل طيب لانشدني وش ظروفك وش هي
‏قلت ربّـي فزعة المحتاج وقت الحاجة

‏غير يانفسي تمشّي فالبسيطة واسهي
‏ماني لحالي يواجه في الزمن ماواجه

.....

غنيت باسمك قصيدي بأجمل الحاني
‏اسمك يعطر حروفي في قوافيها

‏أنت بيوت القصيد بكل الأوزاني
‏بإسمك بيوت الشعر تكمل معانيها

.....

تضحك الدنيا لأهلها وتاليها الزوال
‏والغنا فِي عزة النفس والعرض النزيه

‏لاتغبط أهل الطمايع وعبّاد الريال
‏حظ من قام بصلاته وبرّ بوالديه

.....

‏الليه الجو بارد والمشاعر تفوح
مدري وش اللي جمع الثنين برد ودفى

وين أنت ياللي كلامك فيه للروح روح
من شدّة البرد عيّا شوقنا ماطفى

.....

‏مانرخص الغالين مع مر الازمان
‏نحفظ حقوق اهل الوفاء والشهامه

‏في عرفهم ماني مع الوقت خسران
‏اللي لهم بالطيب بصمة زعامه

‏ومن شانهم ماهمنا قول فتان
‏راع الحكي ماهمنا والنمامه

‏وانا مع الوافين لاشك كسبان
‏ماهوب لاحقني معاهم ملامه

.....

ليت صوتك ينشرب واقول صبه
لين ما تروى عروقي من حنانه

من كثرما اتوه في صوتك واحبه
اشعر أن الحكي مخلوقٍ عشانه

.....

أحدٍ يدور لك خطا وأنت ما اخطيت
وأحدٍ يدور لك عذر وأنت مخطي

.....

‏تقولين أحبك قلت مالشّعور لسان
على قلبي المغرم وروحي تمكنتي

أحبك مع أفراحي وأحبك مع الاحزان
وأحب الحياه اللي معك كيف ماكنتي

على كثر ماشافت عيوني من الغزلان
عليّ الحرام إن ماملا عيني الا أنتي

.....