فوق هام السحب ( الشعر الشعبي) على متن القوافي

‌‎لو وصفتك شعر أغرق في بحورك
ولو كتبتك حرف أعيتني القوافي

ولو رسمتك نسخ تتشابه سطورك
ولو بغيت اعترف هذا أعترافي

لاظهرت ابهر العالم ظهورك
واعظم من اللي ظهر ماكان خافي

اعذريني لختلط شعري بشعورك
يشهد الله القلب في نيته صافي
⁦
.....

‏تأخذني الغيره عليك بجنح خوف
إلين مارهقت الفكر باصابعك

الضحكة الّي بعدها ضمّة كفوف
لاعاد تضحكها وانا ماني معك

.....

علم الفلك حائر على وصف حبك
يللي معه في القلب كل الحصانه

لاغاب طيفك في الفلك دوم قربك
كل الكواكب في جبينك ضمانة

ويلعن ابوه الهجر وياكم لعبك
مادام في قربك لنفسي مكانة

احن لك واشتاق ماخفت ربك
واكن لك في القلب كل أستكانه

بالله خاف الله ياخـل وشبك
تغيب عن عيني وما في امانه

.....

كان القمر مسؤول عن خطف الأنظار
انته ترى المسؤول عن خطف روحي

أن زان لي وصلك تحديت الاخطار
وإن شح بي وصلك تهدم صروحي

.....

ضاعت احاسيس المحبه مع الناس
هذا يحب وذاك يعشق مزاجه

احيان ودك يملي الكون إحساس
واحيان ودك ماتحس باي حاجه

.....

لاتَحْسَبْ الدنيا تجي لك على الكيف
ماطاوعت قبلك هل المجد والجاه

فيها المصاعب والتعب والتكاليف
هذا تغدابه وهذا تعشاه

كم فرقت من بين ناسٍ مواليف
واللي لها مشتاق ماتتبع أرضاه

تبغى الحقيقه ماعليها تحاسيف
والرابح اللي قام في حق مولاه

.....

‏من باب الاعجاب لاتسأل عن اعجابي
اسألني تحب بجاوبك حبيتك

أي والله إني عشقتك يا آخر احبابي
وصديت عن مجمل البشر من جيتك

في وجه غيرك مسكر عيني وبابي
غالي وزاد الغلا يوم إني أغليتك

.....

‏اميرتي لك بين الأضلاع منزال
داخل حنايا الصدر قصرك بنيته

حطيت لك بالقلب مسكن ومدهال
ملكك وغيرك لو بغاني جفيته

.....

منساك لو ينسى الكحل سود الأهداب
شلون تنسى العين صافي نظرها

ليت العيون إلي تريد اليوم فرقاك
تفقد مع الأيام نعمة بصرها

عهداً علي وناقض العهد خوان
منساك لو تنسى الروح جسدها

.....

يامجمل اسلوبك وضحكك ووقفتك
ويامطيب احساسك ومطيبك كلك

خل التعذر لاتردد بجيتك
تراك لامن جيت جيت بمحلك

.....