فوق هام السحب ( الشعر الشعبي) على متن القوافي

حظ من يحظى بتقدير ورعايه
‏يصبح ويمسى لاحاضر ولا ماضي

‏إن عجزتو حدثوني ولو بآيه
‏يوجع الرجال صبرٍ على الفاضي

‏العرب تزعل وآثر للزعل غايه
‏من وصل غايته عوّد علي راضي

.....

‏الصاحب اللي ينصحك لاتعاديه
‏وباب الوفاء من صاحبك لاتسده

‏الطيـّب اللي ماتغير مباديه
‏هو راس مالك بالزمن لاتهده

‏احرص على خوته ولا تجافيه
‏ودايم على كل الاصاحيب بده

.....

كذّبت قول الحي بيواجه الحي
‏وصدقت فعل الدعوه المستجابه

‏ماجابته سود الليالي ولا شي
‏أنا دعيت الله يجيبه وجابه

.....

سلامات يارقم حذفتك من الجوال
لاتشره عليّ وصاحبك طاح من عيني

رميتك بعد زال اهتمامي وقدرك زال
ومن زال قدره راح ماعاد يعنيني

.....

‏مع صورتك ياما سريت وسريتك
‏لك وجه عدّى بي حدود المجرّه

‏ويوم إلتقت عيني بعينك لقيتك
‏أحلى من الصورة بمليون مرّه

.....

اضحك وخل النرفزه والعن ابليس
‏حسن المقابل من صميم العباده

‏قبلك تلاشا ملك كسرى وبلقيس
‏وقبلك عوى ذيب السرا فألحماده

‏لو السعاده تنشري بالقراطيس
‏فازو بها قبلك مشايخ وساده

‏العمر رحله والمراجل مقاييس
‏واجمل مقاييس الحياه السعاده

.....

‏انا منحرج من راعي ابشر وراعي تم
‏وضايق من الديان لامن طرى ديني

‏عسى الله يرزقني رصيد ولا ادري كم
‏يخلي مدير البنك ياقف يقهويني

.....

بعض العرب عند العرب مايستساغ
‏والا بعضهم ربي اللي قابله

‏شخص ماجيه الا على وقت الفراغ
‏وشخص آتفرغ له عشان آقابله

.....

‏ناطحيني ياذعاذيع الهبايب
‏كود صدري لا أونس النود يتبرد

‏يوم ناظرت الحياة بعين شايب
‏اكتشفت أنها ماتسوى البدع والرد

‏مستريح اللي عن الشرهات تايب
‏تاركٍ كثر المعاتب للمقرّد

‏المجافي جعل ماقدمه صعايب
‏والمواصل حبل وجدانه مورد

.....

ويمر طاريك ويهب الهوى من شمال
‏ويعكر الصفو قلبٍ يطلب إعانته

‏ماغيرت منزلة حبك صدوف الليال
‏جوارحي لو يطول البعد ماخانته

‏ما أحبّك إلين تاخذك السنين الطوال
‏أحبّك إلين ربي ياخذ آمانته

.....