فوق هام السحب ( الشعر الشعبي) على متن القوافي

ياللي غيابك مايسدونه الناس
لو تجتمع كل المخاليق عندي

لك في حنايا الروح وحشه ومجلاس
ما للغلا لك وسط الأضلاع حدي

يامن حضوره اذا حضر يلغي الناس
وإن غاب ماغيره بعيني يسدي

.....

‏لاتنحني ياطير لاصادفك ريح
من ينحني مرة تحنت عظامه

افرد جناحينك لو تقوم وتطيح
حتى تنال المبتغى والزعامة

.....

المحبة من الله والغلا والقبول
لاتكلّف شعورك فوق مايُحتمل

لاصفالك زمانك قول اللي تقول
ولا تكدر مزاجك وحاصره بالامل

.....

‏وين انت اللي ماتعرف الخيانه
ياللي وجودك غير وبطلتك غير

الوقت من دونك بلا ايات خانه
ياللي على شوفك نسوق التباشير

.....

انا اتخذت القرار اللي يناسبني
وعن معظم الناس قمت اغيّر الوجهه

من يبدي الوصل لايمكن يعاتبني
ومن يقطع الوصل خليته على وجهه

.....

‏في مجتمع كذاب ويحب النفاق
‏نفسي تحب الإنعزال بحالها

‏ناس تمثل لي الغلا والأشتياق
‏وأنا أدري إني ماخطرت فبالها

.....

في تجربة حبي لقيت اللي لقى جاري جرير
عند امعزوفة ساكن الريان يمطر مدمعي

يابن عطيه يازعيم الشعر يا اخوي الكبير
نوايحك فالشام هزتني وانا في موقعي


سفر الدغيلبي

لقيت الشعور اللي تمنيتني القاه
هلا بالحبيب اللي معوضني الله فيه

انا قبل اعرفك مات قلبي من الاشباه
ترا قلبي أشباه المحبين ماترضيه

يفوت القطار ويعبر العمر لين أقصاه
بسيطه ولا تكون المحطه غلط واتيه

انا ماني بعاشق يغني على ليلاه
انا العاشق اللي كل ليله تبي تغنيه

تمنوني العالم وتدري وش اتمناه
وجودك في عمري لذة العمر ياراعيه

ولا اعطيتهم قلبي وقلبي معك برضاه
خذ القلب كله ماني لغيرك مخليه

.....

يامطول الغيبه ترى الشوق يزداد
‏لك وحشةٍ من شاف عيني فهمها

.....

مانيب قايل وش غيرك وش جاك
ماجاك غير ابشر وسمعن وطاعه

غرك غلاك وكثر لبيه خلاك
تحسب قلوب الناس عندك بضاعه

تذكرني اذكرك وتنساني انساك
الوصل وصل والقطاعة قطاعه

.....