اخترنا لكم

ياخفـيـف الـدم يا شــرخ الـهــــلال
كل كوكب في فلك حسـنك يطوف

جيـــت أذّن مـثلــمــا أذّن بــــلال
في رحابـك واجـتمع حـولي إلـوف

جيـت وانا منتـشـي مـثل الريــال
أعتـكف في مسـجدك واعلـن وقوف

منهـلك صافـي كما العــذب الزلال
جيت عاطش أرتجي ملء الكفـوف

إسقـنـي شربـه انا ضــامي تـعـال
وان أبيـته صـمت للبـاري عطـوف

نكهتـك حلــوة كــما بـُـن الـدلال
اسقنـي فنـجال واتفـكـر وشــوف

مامدى سُـكرَك على سيد الرجـال
ذي تعدى بالهــوى كل الحتـــوف

كيــف تسـأل والإجابـه بالســـؤال
وانت عارف صاحبـك شـم الانوف

كنت اظـنك حيد من فوق الجـبال
لن تطأطأ هامـتـك مهـمـا الظــروف

واتضحتـه خثـعـره في ذي السـفال
ما تكـنـن تحتــها حــتــى خـــروف

والهـوى رغبـــه وكبــحـه راس مال
والكرامــة حـدها مــثل السيـــوف

صاحبك عافـك حقيــقـه لا جــدال
وانت علّـه واتبـــع نهــج الهـنـــوف

واطو هالماضي عسـى تلقى المنال
قبل شمسـك بالسماء تعـلن كسـوف

.....

كنت اظن الجهل ظلما واظن العلم نور
واثر جهل النفس بعض الأمور أفضل لها

اثرني لو انّي أعلم بما تخفي الصدور
كان يمديني كرهت الأوادم كلها

.....

‏غربلني الوقت لين أدمنت صَكاته
‏من سود الأيام ‏حتى قهُوتي سوداء

.....

‏ما على المقفي حسافه والردي
‏لو عطيته ماي عينك ما كفاه

.....

أن كنت رايق قالو الناس فاضي
وان كنت ضايق قالو الناس حساس

أحيـان ودك تترك الناس ماضي
واحيان تجبرك المصايب على الناس

.....

‏ياطير تكفى لفّني بـالجناحيـن
‏ودّي معاك أطير يا طير خذني
‏
‏مادام مالك لا حدود وقوانيـن
‏خذني قبل هالحال يا طير يفني

.....

‏ليه القلوب الصادقه تجني أحزان
وليه القلوب الكاذبه ماتعاني

وليه البشر صنفين حاقد وخوان
وليه الرفيق أحيان يصبح أناني

.....

يا قلبي لاتشره على كل مخلوق
‏كلن يشوف الناس بعين طبعه

‏قلبي وأعرفه أبيض اللون موثوق
‏لا يجرح أصحابه ولا يخون ربعه

.....

‏لو تسقي الحاقد من عروق دمّك
وتفضخ له عيونك وتسقيه ماها

ان جاك سمّك وان ذهب عنك ذمّك
به علةٍ ماينعرف وش دواها

.....

‏اي علاقة مالها بالصدق خانه
خلها من قبل ناتجها يضـرك

جوّد اللي عنـده العِشره أمانه
ما يجي لك منه غير اللي يسرك

.....