فوق هام السحب ( الشعر الشعبي) على متن القوافي

العيون اللي تراقب من بعيد
ياعساها ماتشوف الا الهنا

استريحي يالغلا مامن جديد
العهد باقي وأنا مازلت أنا

.....

مرحبا من سبب ولا بليّا سبايب
ياسبب كل جرح ويا دوى كل علّه

ياحبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ماهوب غايب
وإنك الغايب اللي ماتغير محله

.....

يامرحبا مليار باللي لفانا
ترحيب مايحصى ولا هوب معدود

باللي له التقدير يسبق غلانا
واللي احترامه عندنا ماله حدود

.....

‏على صعيد الظروف ومعطيات السنين
الناس مابين ضيقة بال وأزمة فكر

ملت من الشعر والشعار والمنشدين
تحتاج عن جلسة الغاوين جلسة ذِكر

بقلمي

مرحبا ترحيبةٍ تضفي على شبه الجزيره
مثل ما تضفي على كل الدول هيبة وطنّا

.....

يامرحبا ترحيبة ترفع الراس
نفخر ونذكر في وجود النشاما

ترحيبة من قلب وشعور وإحساس
ريح النفل منها وريح الخزاما

.....

غير الوفاء والطيب لا ماتخيّرت
لو مالت الأيام ماني بمايل

باقي على ساق الوفاء ماتغيّرت
تسوقني الشيمة وأسوق الجمايل

.....

سقا الله ذيك الأيام وياحلو ذكراها
ايام عمري مضت حاسبها ومحصيها

سنين حفظتها لأجل ارجع اقراها
ذكرى مكان وزمان وناس اغليها

.....

اوفيت لك دام الوفا حصانه الشوق
وتستاهل الاشواق ياراعي الطيب

انت الوفي وفارس الشوق ياذوق
ومنزلك مابين الضلوع المحاديب

.....

يامرحبا تحية مالها حدود
ترحيبة يفخر بها الضيف والجار

اللي لفا يستاهل المسك العود
ويستاهل الترحيب وطيب الأشعار

.....