فوق هام السحب ( الشعر الشعبي) على متن القوافي

الله يذكر ذيك الأيام بالخير
وانتي قريبة كنت اشوفك بعيدة

واليوم انتي غير وانا بعد غير
ياليت وقت ٍ راح نرجع نعيده

يرف قلبك لي مثل رفة الطير
اكتب من دموع المعايد قصيدة

انسي معك معاد ابي اي تبرير
من ضحكتك تبعث حياة جديدة

احب اعيش الحب بلا معاذير
احب اعيش المستحيلة اكيدة

.....

وجهك علي خير وحضي معك غير
معرفتك اغلى حاجتن مقتنيها

لاقلت لي مساك الله بالخير
كني ملكت الارض واللي عليها

.....

اشوف لك من وين مارحت ذكرى
ولاشفتها صديت عنها ودنقت

ماكل جرحٍ لاخذا أيام يبرى
بعض الجروح يزيد شره مع الوقت

.....

لو كان للماضي وجع باكر افراح
ولو للحبايب ذاكره مانسوني

رشيت من عطر التغاضي ولا فاح
الا بعد ما اقفوا ولا ودعوني

.....

‏قوم مسي علي مادام وجهك مساء
مايعدل مزاجي في مساي سواك

جيتك بوردتين وفنجال قهوه وبوح
وجيتك إحساس روح ونبض وحياه

.....

مشاعري ماجت عبث فيك يابنت
ولاهو مجرد هرج قاله لساني

يشهد عليا الله فيني تمكنت
وحبـك وعشقك يا الغلا في كياني

خذمن قصيدي كل مافيك دونت
وخذ من شعوري كل مافي بياني

خطيتها لك كل ابوها واعلنت
انك حبيب الروح طول الزماني

.....

‏شواهد الشوق مدري وين أوديها
مشتاق وأقول أنا مانيب مشتاقي

مدري شقا حالي اللي طاغيٍ فيها
والا مجال الغلا ماعاد ينطاقي

.....

لاتبلش القلب في ودّه وفي هاته
ولا تتبع النفس ثم ماعاد تقدرها

خلك قنوع ولا تعطي القلب مشهاته
ماضيع الطيبين الا مشاعرها

.....

نمشي على حكم الزمن غصب عنا
ونقول ياقلب العنا الف لاباس

حتى ولو بالقلب سهم طعنا
نضحك ونخفي كل جرح عن الناس

.....

اضحك وسولف وابتسم للمخاليق
‏وخل الامل بين العيون وهدبها

‏دنياك ماتسوا يجي داخلك ضيق
‏وايامك اللي ماضيه لاتحسّبها

.....