فوق هام السحب ( الشعر الشعبي) على متن القوافي

اما عن الأماني :
تمنيت شي وقدر الله شي وصار
ولا لي سوى وجه الرضى لو تصنّعته

واما عن الخيره :
انا هقيت ان راحة العبد فيما اختار
واثر خيرة المولى لعبده مسنّعته

واما عن الواقع :
تبون الصراحه والله اني بغيت انهار
ظروف الحياة اقسى من اللي توقّعته

‏عزت علي نفسي ونفسي عزيزة
‏ماهي بترضى موقف الذل والهون
‏
الله جعل فيها الكرامه غريزه
‏ياكون في راس الهرم ولا ماكون

.....

لك في عيوني همس وحروف وابيات
ولي في عيونك من دفا الحب تجديد

ياسيد إحساسي تموت المسافات
في داخل عيونك وتحيا المواعيد

.....

لاتعتقد إني مع الناس لاهي
ربي عليم إني معك حيل مشغول

مهما بطيت وشفتني عنك ساهي
يردني شوق المحبه على طول

.....

‏ليه اعبر لك عن احساس الغلا
وانت شايف في عيوني كيف أبيك

في حضورك خافقي يردد هلا
وفي غيابك خافقي يسأل عليك

.....

‏احبك كثرماضاق السجين بلعنة الاسوار
‏احبك كثر ماهاج البحر واجتاحته ثوره

‏احبك كثر ماننسى واحبك كثر مانحتار
‏احبك كثرمايسهر محب وفي يدهه صوره

.....

الورد يهدى من وفا الناس للناس
إلا انت غير الناس نهديك الورد

يازين صوتك لا انسكب عطر الأنفاس
ذوب مسامع عاشقك سكر السرد

وإن صافحت يمناك كفي على ياس
تزهر ايديني وتعشب اضلوعي الجرد

في منطقك ياسيدهم در وألماس
والشعر يرهي منبعه وين ماتِرد

.....

يسعد مساکم كل ماغيم الجو
يامن حضوره غيم ومشاهده ديم

تفرح بك الدنيا كما طلعة الضو
وانا عليك اشفق من البدو للغيم

.....

‏مدري متى ياعين ودك تنامين
نامت عيون الناس والليل قفى

عمر السهر مالم شمل المحبين
نامي وشوق القلب كفى ووفى

.....

قالو قصيدك يا أنفاس كله فراق
وش فيك ماترحم معاليق جوفك

قلت العذر والجوف يحرق الاوراق
ياقلب خلك مادرو وش ظروفك

.....