اخترنا لكم

‏واسيت نفسي وقلت الظن دايم يخيـب
‏اليوم حتى من الصبر الجميل انحرمت

‏من عزّتي يوم صار الكون كلّه غريب
‏وقفت رغم الجروح المدميه وأبتسمت

.....

‏تخطي واجيك اعتذر كن الخطأ مني
‏متقمص الدور وجروحي هي جروحي

‏يهزمني الشوق لين ارضيك لو اني
‏لاني براضي عليك ولا على رووحي

.....

الامانة رغم قيمتها العظيمة
غلفت بالزيف وانساقت هدايا

والفرص لا حانت تروح بظليمة
ما حصل للمجتهد فيها مزايا

ما خسرها غير ابو نية سليمة
ولا كسبها غير ابو عشر النوايا

.....

‏" إي والله إني أنطح الدنيا بقلبٍ من حديد
‏لكن سلم لي على قلبٍ ليا شافك ذوى

‏قدام وجهك تنحني الأغصان ويذوب الجليد
‏و قدام صوتك تمطر الأمزان ويهب الهوى

.....

كل ما قالت الخطوات كم باقي
‏قلت هالنور يا بعده ويا قربه

‏خايف يطول مشواري على ساقي
‏وخايف اليا وصلت احس بالغربه

‏بعثر الريح ما يحلو من اوراقي
‏واستمر الضياع وسادت الكربه

‏كل مازاد همي زادت اشواقي
‏الاحاسيس محيوسه ومضطربه

.....

لو البشر بقلوبهم تحسن الظن
كان النفوس من العنا مستريحه

.....

لا تعاتب ولا تحزن ولا تعترض
اجتهد للفرح والا بـتبقى حزين

لا حضورك علاج ولا غيابك مرض
عيش عمرك لنفسك وأترك الآخرين

لا تحبّ الحياه أكثر من المفترض
ولا تخاف الفراق وكلّنا راحلين

.....

‏حبيبي كلما هبّت رياح الشوق فالوجدان
‏أسيّل ذكريات أيام عاشت فالخيال سنين

‏واحس إنك تجي وتمرني من سكة النسيان
‏وانا أزرع لهفتي بك فالدروب بنشوة التخمين

‏يضيع الشارع بصمتي وخطواتي بلا عنوان
‏أدور عن رصيفٍ ينتشل من صدري السكين

.....

من أوَّل مالمحتك بينهم شفتك مابين أقواس
‏وعلى كثر البشر حولي كأن ما غيرك قبالي

‏تمنيتك كثر ما بيني وبينك يحول اليأس
‏تمنيتك كثر ما جابك الطاري وانا سالي

‏يا قو عروقك بقلبي مع إن جذورها هوجاس
‏مثل حلمٍ على غفلة عيوني يسري البالي

.....

‏يدور الشك بين الناس والأعمال بالنيّات
‏ويمر الواثق بنفسه عليهم ويتعداهم

.....